خوشی ہو یا غم ،ہر گھڑی ہر دم ، نظر آتا ہے ایک ہی نوجوان رہنما سرگرم
اس میں کوئی شک نہیں کہ پاکستان پیپلز پارٹی کہ نوجوان رہنما راول شرجیل میمن ایک انتہائی فعال اور سرگرم سیاسی رہنما کے طور پر ابھرے ہیں ان کے بارے میں کہا جاتا ہے کہ خوشی ہو یا غم ،ہر گھڑی ہر دم ،نظر آتا ہے ایک ہی نوجوان رہنما سرگرم ، نام ہے اس کا راول شرجیل میمن ۔ وہ اپنے حلقے کے عوام کے ساتھ دن ہو یا رات رابطے میں رہتے ہیں دور افزادہ علاقے میں کوئی خوشی یا غمی کی تقریب ہو یا موقع ہو وہاں پہنچتے ہیں لوگوں کے دکھ درد بانٹتے ہیں اور خوشیوں میں شامل ہوتے ہیں
راول ہاؤس میں لوگوں کی بہت بڑی تعداد ان سے اپنے مسائل کا حل لینے کے لیے ملنے اتی ہے اور وہ لوگوں کو سنتے ہیں اور ان کے مسائل حل کرنے کی پوری کوشش کرتے ہیں اور ان کا یہی انداز سیاست اور خدمت کا جذبہ انہیں عوام میں تیزی سے مقبولیت دلوا رہا ہے وہ ان نوجوان سیاسی رہنماؤں میں نمایاں نظر آتے ہیں جنہوں نے سوچ سمجھ کر اور بڑے شوق سے سیاست کے ذریعے عوام کی خدمت کا راستہ اختیار کیا ہے
وہ پاکستان پیپلز پارٹی کے منشور اور بلاول بھٹو زرداری کے ویژن کو کامیابی سے لے کر آگے بڑھ رہے ہیں ۔ سیاسی سفر میں انہیں بہت کچھ سیکھنا ہے ان کی خوش قسمتی ہے کہ ان کے گھر میں ہی ایک بہترین نرسری موجود ہے لیکن ان کے سامنے پاکستان پیپلز پارٹی کے قائدین کا شاندار ریکارڈ ہے خدمات ہیں قربانیاں ہیں جذبہ ہیں ویژن ہے جس پر عمل پیرا ہو کر وہ اپنے سیاسی کیریئر میں اہم سنگ میل عبور کر سکتے ہیں عوام ان پر اعتماد کا اظہار کر رہے ہیں ان سے محبت کر رہے ہیں
انہیں اسی محبت اور اعتماد پر پورا اترتے ہوئے عوامی بھلائی اور خدمت کے کاموں میں کوئی کسر نہیں چھوڑنی چاہیے
