پاکستانی اسنوکر کھلاڑی محمد آصف اور اسجد اقبال نے شاندار کارکردگی کا مظاہرہ کرتے ہوئے بی ایس ایف اسنوکر ٹیم ورلڈ کپ جیتنے کا اعزاز حاصل کر لیا۔
مسقط میں کھیلی جانے والی چیمپئن شپ کے فائنل میں اتوار کو محمد آصف اور اسجد اقبال کی جوڑی نے انتہائی سنسنی خیز مقابلے کے بعد ہانگ کانگ کی ٹیم کو 3-2 سے شکست دی۔
اس سے قبل پاکستان نے بھارت کو شکست دے کر آئی بی ایس ایف اسنوکر ٹیم ورلڈ کپ کے فائنل میں جگہ بنائی تھی۔
پاکستان نے ہانگ کانگ کو شکست دے کر سنوکر ٹیم ورلڈ کپ 2025ء کاٹائٹل جیت لیا۔ تفصیلات کے مطابق مسقط میں کھیلے جارہے آئی بی ایس ایف ٹیم ورلڈ کپ کے فائنل میں پاکستان اور ہانگ کانگ کے درمیان بیسٹ آف فائیو فریمز کا مقابلہ پاکستان نے 2-3 سے جیتا، قومی کیوئسٹ اسجد اقبال اور محمد آصف پر مشتمل پاکستانی ٹیم نے ہانگ کانگ کے چاؤ ہون مین اور نیسن وان کو شکست دی۔
بتایا گیا ہے کہ وزیراعظم شہباز شریف نے مسقط میں ٹیم اسنوکر ورلڈ کپ میں پاکستانی ٹیم کی شاندار فتح اور ٹائٹل اپنے نام کرنے پر پوری قوم کو مبارکباد دی اور کامیاب کھلاڑیوں کی پزیرائی کی، اس حوالے سے اپنے بیان میں شہباز شریف نے محمد آصف اور اسجد اقبال کی شاندار کارکردگی کی تعریف کرتے ہوئے کہا کہ پاکستانی کھلاڑیوں نے کمال مہارت سے ورلڈکپ ٹائٹل اپنے نام کیا، مجھ سمیت پوری قوم کو اپنے کھلاڑیوں پر فخر ہے، پاکستانی کھلاڑی دنیا بھر میں اپنی صلاحیتوں سے ملک و قوم کا نام روشن کر رہے ہیں۔
یہاں قابل ذکر بات یہ ہے کہ گزشتہ روز پاکستانی سنوکر پلیئرز نے بھارتی ٹیم کو شکست دے کر فائنل کے لیے کوالیفائی کیا تھا، سیمی فائنل مقابلے میں محمد آصف اور اسجد اقبال کی جوڑی نے بھارت کے پنکج ایڈوانی اور برجیش دامانی کا شاندار مقابلہ کرتے ہوئے 3-1سے فتح اپنے نام کی تھی۔
پاکستان، آسٹریلیا ون ڈے سیریز میں رد و بدل کا امکان
آسٹریلیا کے ساتھ ایک روزہ سیریز کے لیے دورۂ پاکستان میں رد و بدل کا امکان ہے۔
ذرائع کے مطابق پاکستان اور آسٹریلیا کی 3 ایک روزہ میچز کی سیریز شیڈول کے مطابق مارچ میں ہونے کا امکان نہیں۔
پاکستان کرکٹ بورڈ اور کرکٹ آسٹریلیا کے درمیان سیریز ری شیڈول کرنے کےلیے بات چیت جاری ہے۔
ذرائع کے مطابق 3 ایک روزہ میچز کی سیریز اب پاکستان سپر لیگ (پی ایس ایل) سیزن 11 کے بعد ہونے کا امکان ہے۔
پاکستان اور آسٹریلیا کے درمیان ایک روزہ کرکٹ سیریز مارچ میں شیڈول ہے، جس کے لیے 13 سے 19 مارچ کی تجویز دی گئی تھی۔
ذرائع کے مطابق ٹیم آسٹریلیا ٹی 20 ورلڈ کپ سے قبل ٹی 20 سیریز کھیلنے پاکستان آئے گی، یہ میچز 30 جنوری سے 5 فروری تک کھیلے جائیں گے۔
