صدر پاکستان پیپلز پارٹی کراچی و صوبائی وزیر سعید غنی اور جنرل سیکٹری پاکستان پیپلز پارٹی سندھ سینیٹر وقار مہدی نے اتوار کے روز پیپلز پارٹی کے 58 ویں یوم تاسیس کے سلسلے میں ہونے والے جلسے کے لئے جلسہ گاہ کا معائنہ کیا۔
اس موقع پر جنرل سیکٹری پاکستان پیپلز پارٹی کراچی رؤف ناگوری، صدر پاکستان پیپلز پارٹی کورنگی جانی میمن، صدر پاکستان پیپلز پارٹی سینٹرل سردار خان، حیدر خان، نائب صدر ڈسٹرکٹ کورنگی شیراز وحید، انفارمیشن سیکٹری احمد رضا، نعیم شیخ و دیگر پارٹی کے عہدیداران و کارکنان بھی موجود تھے۔
پاکستان پیپلز پارٹی کراچی ڈویژن کے تحت پارٹی کے یوم تاسیس کے موقع پر کورنگی نمبر ساڑھے تین پر عیدگاہ گرائونڈ میں عظیم الشان جلسہ عام منعقد کیا جائے گا۔ وزیر محنت و صدر پیپلز پارٹی کراچی سندھ سعید غنی
اس سال پورے ملک میں پارٹی کا 58 واں یوم تاسیس ضلعی سطح پر منایا جارہا ہے البتہ کراچی کی تنظیم نے گزشتہ برس کی طرح اس برس بھی کراچی کے تمام اضلاع کا ایک مشترکہ جلسہ کراچی ڈویژن کے تحت کرنے کا فیصلہ کیا ہے ۔ سعید غنی
یہ جلسہ اتوار 30 نومبر کو دوپہر 1.00 بجے کورنگی عیدگاہ گرائونڈ ساڑھے تین نمبر پر شروع ہوگا۔ سعید غنی
اس جلسہ سے پیپلز پارٹی کے چیئرمین بلاول بھٹو زرداری ویڈیو لنک کے ذریعے ایک ساتھ ملک بھر میں منعقد ہونے والے جلسوں سے خطاب کریں گے ۔ سعید غنی
میری پیپلز پارٹی کے تمام عہدیداران, زمہ داران ،کارکنان اور کراچی کے عوام سے اس جلسہ میں شرکت کی خصوصی استدعا ہے۔ سعید غنی
