پریس ریلیز
حیدرآباد: آئل اینڈ گیس ڈوالپمنٹ کمپنی (OGDC) نے این ڈی ایف ذھنی معذور بچوں کے بحالی مرکز، قاسم آباد حیدرآباد کے خصوصی بچوں کے لیے ایک وین عطیہ کی ہے۔ یہ اہم تعاون خصوصی بچوں کے لیے آمدورفت کو بہتر بنانے اور بحالی کی خدمات تک رسائی بڑھانے میں مددگار ثابت ہوگا۔
تقریب سے خطاب کرتے ہوئے سکندر علی شیخ، جنرل مینیجر CSR آئل اینڈ گیس ڈوالپمنٹ کمپنی پاکستان نے کہا کہ OGDC کی سماجی ذمہ داری ہے کہ وہ خصوصی بچوں کے لیے پک اینڈ ڈراپ کی سہولت فراہم کرے، جو محکمہ بااختیاری برائے افراد باہم معذوری (DEPD) حکومت سندھ کے تعاون سے این ڈی ایف ذھنی معذور بچوں کے بحالی مرکز، قاسم آباد حیدرآباد میں زیرِ تربیت ہیں۔
عابد لاشاری، صدر این ڈی ایف پاکستان نے اس تعاون پر گہری تشکر کا اظہار کرتے ہوئے کہا کہ اس دریا دلی سے خصوصی بچوں کی روزانہ کی آمدورفت مزید محفوظ اور آسان ہو جائے گی، جس سے وہ بلا رکاوٹ اپنی بحالی کی خدمات حاصل کر سکیں گے۔
این ڈی ایف پاکستان نے خصوصی بچوں کو بااختیار بنانے اور سندھ میں جامع ترقی کے فروغ کے لیے آئل اینڈ گیس ڈوالپمنٹ کمپنی کے اس مثبت اقدام پر دلی شکریہ ادا کیا۔
تقریب سے خطاب کرتے ہوئے امام علی عباسی، ریجنل ڈائریکٹر OGDC حیدرآباد ریجن نے زور دیا کہ OGDC اور NDF مل کر پاکستان کو نچلی سطح سے لے کر قومی سطح تک زیادہ جامع اور ہمدردانہ معاشرہ بنانے کے لیے کوشاں رہیں گے۔
برکت علی سوہو، CSR آفیسر OGDC اور طارق حسین چنڑ، پروگرام مینیجر این ڈی ایف بھی تقریب میں موجود تھے۔
