مور خہ21 نومبر 2025
پریس ریلیز
کرچی 21 نومبر ۔ایس بی سی اے کا سخت ایکشن ، صوبائی وزیر بلدیات سید ناصر حسین شاہ کے ہدایت پر شہر میں غیرقانونی تعمیرات میں ملوث افسران کی خلاف اعلیٰ سطحی تحقیقات کا حکم سندھ بلڈنگ کنٹرول اتھارٹی (SBCA) کے ڈائریکٹر جنرل مزمل حسین ہالیپوٹو نے شہر بھر میں تیزی سے بڑھتی ہوئی غیرقانونی تعمیرات پر سخت نوٹس لیتے ہوئے اعلیٰ سطحی تحقیقات کا حکم دے دیا ہے۔ ڈائریکٹر ویجیلنس کی رپورٹ موصول ہونے کے بعد ڈائریکٹر جنرل نے فوری کارروائی کرتے ہوئے ایڈیشنل ڈائریکٹر جنرل (آپریشن) کو انکوائری آفیسر نامزد کر دیا ہے۔سرکاری مراسلے کے مطابق، ڈائریکٹر جنرل نے واضح ہدایات جاری کی ہیں کہ غیرقانونی تعمیرات میں ملوث عناصر کی نشاندہی کے لیے شفاف، جامع اور بلا تاخیر انکوائری مکمل کی جائے۔ مراسلے میں درج ہے کہ ڈائریکٹر ویجیلنس کی طرف سے فراہم کی گئی تفصیلات انکوائری کے ساتھ منسلک ہیں، جن کی روشنی میں معاملے کی تمام پرتیں کھولنے کا حکم دیا گیا ہے۔مزید برآں، متعلقہ افسران کو ہدایت کی گئی ہے کہ معاملے کو انتہائی سنجیدگی سے لیتے ہوئے فوری اقدامات کیے جائیں اور انکوائری رپورٹ جلد از جلد جمع کرائی جائے تاکہ ذمہ داران کے خلاف سخت محکمہ جاتی کارروائی کی جا سکے۔ڈائریکٹر جنرل مزمل حسین ہالیپوٹو نے اس موقع پر واضح کیا کہ ایس بی سی اے کی پالیسی غیرقانونی تعمیرات کے معاملے میں زیرو ٹالرینس ہے، اور اس ضمن میں کسی رعایت یا تاخیر کو برداشت نہیں کیا جائے گا۔
کراچی
مور خہ 18 نومبر 2025
کراچی: ٹاؤن میونسپل کارپوریشن کورنگی کی نئی تعمیر شدہ عمارت کا افتتاح صوبائی وزیر بلدیات ناصر حسین شاہ نے ربن کاٹ کر کیا۔ یہ جدید عمارت CLICK پروگرام کے تحت مکمل کی گئی ہے، جس کا مقصد شہریوں کو مؤثر، شفاف اور تیز ترین میونسپل خدمات فراہم کرنا ہے۔
افتتاحی تقریب کے ساتھ ہی PYSDP TMC کورنگی کی پہلی سالگرہ کی تقریب بھی منعقد ہوئی، جس میں گزشتہ ایک سال کے دوران مکمل ہونے والے پراجیکٹس اور ڈیجیٹل سروس ڈیلیوری سسٹم کا جائزہ پیش کیا گیا۔
تقریب میں صدر پیپلز پارٹی ضلع کورنگی جانی میمن، ممبر صوبائی اسمبلی فاروق اعوان، چیئرمین کورنگی ٹاؤن محمد نعیم شیخ، وائس چیئرمین زرین اعوان اور میونسپل کمشنر غلام سرور راہوپوٹو سمیت مختلف محکموں کے نمائندگان نے شرکت کی۔
وزیر بلدیات ناصر حسین شاہ نے خطاب میں کہا کہ پیپلز پارٹی کی سیاست خدمت کی سیاست ہے، اور CLICK پروگرام کے ذریعے کراچی کے بلدیاتی نظام کو جدید خطوط پر استوار کیا جا رہا ہے۔ انہوں نے بتایا کہ کورنگی میں اس وقت 10 سے زائد میگا ترقیاتی منصوبے جاری ہیں جبکہ کئی اسکیمیں تکمیل کے قریب ہیں۔ انہوں نے نوجوانوں کے لیے قائم تربیتی مراکز کی تعریف کرتے ہوئے کہا کہ پیپلز پارٹی نوجوانوں کو ہتھیار نہیں بلکہ کتاب، لیپ ٹاپ اور جدید تعلیم فراہم کر رہی ہے۔
چیئرمین کورنگی ٹاؤن محمد نعیم شیخ نے کہا کہ ٹاؤن کی نئی عمارت اور PYSDP کی کامیابیاں اس بات کا ثبوت ہیں کہ کورنگی جدید اور شفاف نظام کی طرف بڑھ رہا ہے۔ انہوں نے CLICK اور PYSDP ٹیم کا شکریہ ادا کیا، جن کی محنت سے متعدد پراجیکٹس وقت پر مکمل ہوئے۔
PYSDP کی سالانہ رپورٹ میں بتایا گیا کہ گزشتہ ایک سال میں مختلف شہری سہولتوں، سڑکوں کی بحالی، ڈیجیٹلائزیشن اور شفاف نگرانی کے نظام کے ذریعے ہزاروں شہریوں کو بہتر خدمات فراہم کی گئیں۔
تقریب کا اختتام دعا اور سالگرہ کے کیک کاٹنے کے ساتھ ہوا، جبکہ شرکاء نے کورنگی ٹاؤن کی ترقی کے سفر کو قابلِ تحسین قرار دیا اور مستقبل میں مزید بہتری کی امید ظاہر کی۔
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ21 نومبر 2025
درخواست برائے ٹکرز
· آئی جی سندھ غلام نبی میمن کی میرپور خاص میں “پولیس افسران وجوانوں کے اعزازمیں منعقدہ بڑے کھانے”میں شرکت۔
· آئی جی سندھ کی آمد پر ڈی آئی جیزمیرپورخاص،شہیدبے نظیرآباد،ایس ایس پیزشہیدبے نظیرآباد،میرپورخاص،عمرکوٹ،تھرپاکر،نوشہروفروز،سانگھڑ و دیگر افسران نے پرتپاک استقبال کیا۔
· تقریب میں ڈپٹی کمشنرمیرپورخاص، سمیت دیگرصوبائی و وفاقی سرکاری اداروں کے افسران نے بھی شرکت کی۔
· آئی جی سندھ غلام نبی میمن نے تقریب میں میرپورخاص ڈویژن کے افسران و جوانوں میں اسناد بھی تقسیم کیں۔
· تقریب میں ڈی آئی جیزمیرپورخاص،شہیدبے نظیرآباد،ایس ایس پیزشہیدبے نظیرآباد،میرپورخاص،عمرکوٹ،تھرپاکر،نوشہروفروز،سانگھڑنے آئی جی سندھ کو یادگارپیش کیں۔
· تقریب میں سندھ پولیس کے مختلف منصوبوں پر تفصیلی دستاویزی فلم بھی نشرکی گئی۔
· تقریب سے آئی جی سندھ غلام نبی میمن، ڈی آئی جی میرپورخاص اور شہید بے نطیرآبادنے خطاب کیا۔
· میں آپکے ساتھ دو سال کام کیا جو میرے سروس کیریئر کے شاندار لمحات تھے۔ڈی آئی جی میرپورخاص
· آپ کے کام کو قریب سے دیکھا اور آپکی قائدانہ صلاحیت کا معترف ہوگیا۔ڈی آئی جی میرپورخاص
· آپکا مقصد پولیسنگ کو عوام کی خواہشات کے قریب تر لانا تھا۔ڈی آئی جی میرپورخاص
· ہماری شہادتیں اور بہادری کے کارناموں کے تناظر میں عوام گر ہمیں عزت سے نوازتی ہے تو ہمارا حوصلہ بلند ہوتا ہے۔ڈی آئی جی میرپورخاص
· آج کا کراچی ماضی کی نسبت بہت بہتر اور واضح فرق رکھتا ہے۔ڈی آئی جی میرپورخاص
· پولیسنگ میں نئی پالیسیز،اصلاحات، جدید اور ماڈرن تیکنیکس کو آپ نے متعارف کرایا۔ڈی آئی جی میرپورخاص
· تھانہ کلچر کو مثبت تبدیلیوں کی طرف آپ لیکر گئے آپ نے ہمیشہ مفاد عامہ کو ترجیح دی۔ڈی آئی جی میرپورخاص
· اب یہ ہماری ذمہ داری ہے کہ اس مشن کو آگے لے کر چلیں۔ ڈی آئی جی میرپورخاص
· ہمیں آئی جی سندھ نے ہمیشہ تھانہ کلچرکو تبدیل کرنے پر زور دیا۔ ڈی آئی جی شہیدبے نظیرآباد
· آپ نے ہمیشہ اچھے پڑھے لکھے ائس ایچ او اور ڈیوٹی افسرتعینات کرنے پر زوردیا۔ ڈی آئی جی شہیدبے نظہیرآباد
· آپ کی بدولت سندھ کے 40تھانے ماڈل تھانہ بنائیں گئے،اس سال مزیدتھانے ماڈل بنائیں جائیں گے۔ ڈی آئی جی شہیدبے نظیرآباد
· ہم نے شہید بظیرآباد ڈویژن کے 186اور میرپورخاص ڈویژن کے 32شہدا کے خون کو رائیگاں جانے نہیں دینا۔ آئی جی سندھ
· محکمہ پولیس میں ملازم 12گھنٹے کام کرتا ہے،اس کی چھٹی ایک آسائش تصور کی جاتی ہے۔ آئی جی سندھ
· ڈیوٹی کے دوران ہم شہیدہوتے ہیں زخمی ہوتے ہیں۔ آئی جی سندھ
· محکمہ کے لئے جوکچھ کیا وہ میرا فرض تھا۔ آئی جی سندھ
· میرامشن تھا کہ عوام میرے محکمہ کی عزت کریں۔ آئی جی سندھ
· آپ اپنےعلاقے کے ہیرو ہیں، عوام آپ سے سیکورٹی چاہتی ہے۔ آئی جی سندھ
· اللہ نے آپ کو اختیاردیا ہے اگر آپ اپنی ذمہ داری ادا نہیں کرتے تو اس کی ذمہ داری آپ سمیت تمام بالا افسران پر عائدہوتے ہے۔ آئی جی سندھ
· میں سندھ حکومت کا شکرگزار ہوں جنہوں نے ہمارے مشترکہ سوچ کو سپورٹ کیا۔ آئی جی سندھ
· آپ کے اچھے کاموں کی وجہ سے سندھ حکومت نے میری بات مانی۔ آئی جی سندھ
· ہمارے شہر بہت سے بین القوامی شہروں سے امن و امان میں بہت بہترہیں۔ آئی جی سندھ
· یہ ٹیکنالوجی کا دور ہے،جب آپ ٹیکنالوجی کو استعمال کریں گے تو پولیسنگ آسان ہوگی۔ آئی جی سندھ
· ایک چھوٹے سے مشورے سے کراچی شہر میں چالیس ہزارکیمرے لگوائےگئے۔ آئی جی سندھ
· دنیا نے کرائم اور دہشت گردی کو کیمروں سے روکا ہے۔ ائی جی سندھ
· کراچی میں سی سی ٹی وی کیمرے لگانے کا کلچربن گیا۔ آئی جی سندھ
· کوئی بھی کرائم ہوتا ہے اس کی سی سی ٹی وی آجاتی ہے۔ آئی جی سندھ
· آپ اپنے علاقے میں یہ کیمرے لگوائیں کرائم خودکم ہوجائے گا۔ آئی جی سندھ
· قبل ازیں آئی جی سندھ نے میرپورخاص ڈویژن میں نئے تعمیر ہونیوالے پولیس ریسٹ ہاؤس کی افتتاحی تقریب میں بطور مہمان خصوصی شرکت کی۔
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ21 نومبر 2025
کراچی 21 نومبر ۔سندھ کے سینئر وزیر شرجیل انعام میمن سے ایشیائی ترقیاتی بینک کے وفد نے کنٹری ڈائریکٹر ایما فین کی قیادت میں ملاقات کی۔ ایشیائی ترقیاتی بینک کے وفد میں ڈپٹی کنٹری ڈائریکٹر اسد علیم، پروجیکٹ آفیسر حامد خان، خیّام عباسی اور سید عدنان بھی شامل تھے۔ ملاقات کے موقع پر سیکریٹری ٹرانسپورٹ اسد ضامن اور سی ای او ٹرانس کراچی فواد غفار سومرو بھی موجود تھے۔ سینئر وزیر شرجیل انعام میمن نے کراچی آمد پر معزز مہمانوں کا خیرمقدم کیا۔ ملاقات کے دوران ای ڈی بی کے وفد کو ریڈ لائن بی آر ٹی کے موجودہ مرحلوں، تعمیراتی رفتار اور تکنیکی امور پر تفصیل سے بریفنگ دی گئی۔ اس موقع پر بات کرتے ہوئے سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا کہ کراچی میں جاری ٹرانسپورٹ منصوبوں خاص طور پر ریڈ لائن بی آر ٹی سرکاری سطح پر مثالی منصوبہ بنانے کے لیے حکومت پوری کوشش کر رہی ہے، سندھ حکومت اس منصوبے کو تیزی سے مکمل کرنے کے لیے دن رات کام کر رہی ہے۔ انہوں نے کہا کہ وزیر اعلیٰ سندھ اور متعلقہ ٹیم مسلسل محنت کر رہی ہے اور منصوبے کے دفاتر چوبیس گھنٹے کھلے ہیں تاکہ پیش رفت کی مانیٹرنگ جاری رہے، ریڈ لائن بی آر ٹی کو درپیش مسائل کے حل کے لیے عملی فیصلے کیے گئے ہیں اور تعمیراتی سلسلہ اب مسلسل آگے بڑھ رہا ہے۔ شرجیل انعام میمن نے کہا کہ کراچی ایک بڑا اور پیچیدہ میٹروپولیٹن شہر ہے، جہاں مختلف اداروں کی جانب سے زیر زمین اور زمینی یوٹیلٹیز موجود ہیں، ریڈ لائن بی آر ٹی میں یوٹیلٹیز کی منتقلی ایک بڑا چیلنج تھا، بیشتر تکنیکی مسائل حل کرلیے گئے ہیں اور بقیہ معاملات بھی مربوط حکمت عملی سے نمٹائے جا رہے ہیں۔ ان کا کہنا تھا کہ سندھ حکومت کو اے ڈی بی کے ساتھ کام کر کے خوشی ہوتی ہے اور ادارے کے تعاون کو قدر کی نگاہ سے دیکھا جاتا ہے، ریڈ لائن بی آر ٹی کو جلد از جلد مکمل کر کے شہریوں کو جدید سفری سہولت فراہم کی جائے گی۔ ملاقات کے دوران ایشیائی ترقیاتی بینک کے وفد نے منصوبے کی رفتار اور انتظامی کوششوں پر اطمینان کا اظہار کیا اور کہا کہ ریڈ لائن بی آر ٹی کو ایک بہترین اور ایوارڈ وننگ منصوبے کے طور پر دیکھنا چاہتے ہیں۔ ایشیائی ترقیاتی بینک کے کنٹری ڈائریکٹر کا کہنا تھا کہ محکمہ ٹرانسپورٹ سندھ کے ساتھ ان کا تعاون مؤثر اور مسلسل ہے، مشترکہ کوششوں سے کراچی کے شہریوں کو معیاری ٹرانسپورٹ سہولت فراہم کی جا سکے گی۔
ہینڈ آؤٹ نمبر 1303۔۔۔
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ21 نومبر 2025
درخواست برائے ٹکرز
· وزیرِ اعظم محمد شہباز شریف سے وزیرِ اطلاعات سندھ، شرجیل انعام میمن کی ملاقات
· ملاقات میں سیاسی صورتحال پر گفتگو ہوئی.
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ21 نومبر 2025
کراچی 21 نومبر ۔ 35 ویں نیشنل گیمز 2025 کے حوالے سے مقامی ہوٹل میں تمام اسٹیک ہولڈرز کا اہم اجلاس منعقد ہوا، جس کی آن لائن صدارت وزیر کھیل اور سندھ اولمپک ایسوسی ایشن کے صدر سردار محمد بخش مہر نے کی. اجلاس میں سیکریٹری کھیل منورعلی مہیسر، ڈائریکٹر اسد اسحاق، پاکستان اولمپک ایسوسی ایشن کے سیکریٹری جنرل خالد محمود، سندھ اولمپک کے سیکریٹری احمد علی راجپوت،اصغربلوچ،خالد رحمانی سمیت مختلف کھیلوں کی ایسوسی ایشنز کے نمائندگان نے شرکت کی. کمشنر کراچی، ڈی آئی جی ٹریفک پیر محمد شاہ، آرمی، رینجرز، ایس ایس یو، واپڈا اور دیگر اداروں کے افسران بھی اجلاس میں شریک ہوئے۔ اجلاس میں 35 ویں نیشنل گیمز کراچی کی تیاریوں، سیکیورٹی صورتحال اور انتظامی امور کا تفصیلی جائزہ لیا گیا، جبکہ 32 کھیلوں کی ایسوسی ایشنز اور 14 محکموں نے اپنی سرگرمیوں اور ضروریات پر بریفنگ دی. وزیر کھیل سردار محمد بخش مہر نے اجلاس کو بتایا کہ افتتاحی تقریب میں میوزیکل پروگرام اور ڈرون شو بھی منعقد کیا جائے گا،ہماری کوشش ہے کہ تمام ایتھلیٹس کو بہترین سہولیات فراہم کی جائیں. سردار محمد بخش مہر نے بتایا کہ افتتاحی تقریب میں صدر آصف علی زرداری جبکہ اختتامی تقریب میں وزیراعظم شہباز شریف شرکت کریں گے، سب کو مل کر 35ویں نیشنل گیمز کو کامیاب بنانا ہے، سندھ اپنے مہمانوں کا دل سے استقبال کرے گا۔سیکریٹری کھیل منور علی مہیسر نے کہا کہ سندھ آپ کا اپنا گھر ہے، جسے بھی تعاون کی ضرورت ہو ہم ہر وقت حاضر ہیں۔ انہوں نے بتایا کہ حکومت سندھ اور محکمہ کھیل اپنے خصوصی فنڈز سے گیمز کے وینیوز پر مرمتی اور ترقیاتی کام تیزی سے مکمل کر رہے ہیں. پاکستان اولمپک ایسوسی ایشن کے سیکریٹری جنرل خالد محمود نے تمام کھلاڑیوں اور آفیشلز کے شناختی کارڈ اور بے فارم فوری طور پر جمع کرانے کی ہدایت کی تاکہ انٹری کے وقت کسی قسم کی رکاوٹ پیدا نہ ہو. سندھ اولمپک کے سیکریٹری احمد علی راجپوت کا کہنا تھا کہ تمام وینیوز اسٹیک ہولڈرز کی باہمی مشاورت سے منظور کیے گئے ہیں۔ڈی آئی جی ٹریفک پیر محمد شاہ نے کہا کہ نیشنل گیمز ایک بڑا ایونٹ ہے اور ٹریفک پولیس مکمل ٹریفک پلان کے ساتھ بھرپور تعاون کرے گی، تمام اہلکار اپنی جگہوں پر الرٹ رہیں گے. ایس ایس یو پولیس کے عملدار نے اجلاس میں بتایا کہ کمانڈوز نیشنل اسٹیڈیم کے اطراف اور تمام گیٹس کی سیکیورٹی سنبھالیں گے، جبکہ افتتاحی اور اختتامی تقریبات کے دوران فول پروف سیکیورٹی یقینی بنائی جائے گی. پاک آرمی اور رینجرز کے نمائندوں نے کہا کہ وہ ایونٹ کے دوران کراچی پولیس کے ساتھ مکمل کوآرڈینیشن اور سپورٹ فراہم کریں گے. سیکیورٹی اداروں نے مزید بتایا کہ نیشنل گیمز کے دوران جامع پلان کے تحت مسلسل پیٹرولنگ بھی کی جائے گی۔
ہینڈ آؤٹ نمبر 1304۔۔۔
ڈائریکٹوریٹ آف پریس انفارمیشن فون۔99204401
محکمہ اطلاعات حکومت سندھ
کراچی
مور خہ21 نومبر 2025
اکاؤنٹنٹ جنرل سندھ اور ڈسٹرکٹ اکاؤنٹس دفا تر میں SAP سسٹم کا کامیاب نفاذ
مالیاتی انتظام میں شفافیت اور کارکردگی کے نئے دور کا آغاز
کراچی ۔ 21 نومبر۔ کنٹرولر جنرل آف اکاؤنٹس (CGA) اسلام آباد کی ہدایات اور حکومت سندھ کی معاونت سے صوبے کے مالیاتی ڈھانچے میں بڑی پیش رفت ہوئی ہے۔ اکاؤنٹنٹ جنرل سندھ اور تمام ڈسٹرکٹ اکاؤنٹس دفا تر میں جدید ERP سسٹم SAP S/4HANA کامیابی سے نافظ کر دیا گیا ہے ۔ اس جدید نظام کے تحت سر کا ری مالیاتی لین دین، پنشن اور تنخواہوں کی ادائیگیاں پہلے سے زیادہ شفاف، تیز رفتار اور موثر طریقے سے ممکن ہوسکے گی۔ اعلیٰ حکام کے مطابق نئے نظام سے نہ صرف کام کی رفتار بہتر ہوگی بلکہ پنشنرز اور سرکاری ملازمین کو بروقت ادائیگیوں میں بھی فائدہ ہوگا۔ یہ پروجیکٹ ڈائریکٹوریٹ آف FABSنے TMC کی شراکت سے CGA کی ہدایات کے مطابق مکمل کیا ۔ محکمہ خزانہ سندھ نے تمام متعلقہ محکموں کو نئے سسٹم سے متعلق ہدایات جاری کر دی ہیں۔یہ اقدام صوبہ سندھ میں ڈیجیٹل گورننس کی جانب ایک اہم سنگ میل ہے، جو مالیاتی نظم و ضبط اور عوامی خدمات کی فراہمی میں مزید بہتری کا باعث بنے گا۔
ہینڈآؤٹ نمبر 1305۔۔۔
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ21 نومبر 2025
درخواست برائے ٹکرز
· ڈائریکٹر جنرل ہیلتھ سندھ نے ڈینگی کی صورتحال سے متعلق یومیہ رپورٹ جاری کردی ۔۔
· سندھ بھر کے سرکاری اسپتالوں میں ڈینگی کے 63 نئے مریض داخل ہوئے ۔رپورٹ۔۔
· نجی اسپتالوں میں ڈینگی کے مزید 52 مریض رپورٹ
· صوبے بھر میں ڈینگی کے مجموعی داخل مریضوں کی تعداد 114 ہوگئی
· کراچی ڈویژن کے سرکاری اسپتالوں میں ڈینگی کے 31 نئے مریض
· حیدرآباد میں سرکاری اسپتالوں میں 15 نئے مریض داخل ہوئے ۔۔محکمہ صحت
· سرکاری اسپتالوں میں 69مریض صحتیاب ہوکر اپنے گھروں کو روانہ
· نجی اسپتالوں میں 79 مریض صحتیاب ہوئے ۔
· سندھ میں ڈینگی سے کوئی ہلاکت رپورٹ نہیں ہوئی۔
· سرکاری و نجی لیبارٹریز میں 4562 افراد کے ڈینگی ٹیسٹ کئے گئے ۔۔
· لیبارٹری رپورٹس کے مطابق 516 افراد کے ٹیسٹ مثبت آ ئے۔۔
· کراچی کی لیبارٹریوں میں سب سے زیادہ 275 مثبت کیسز رپورٹ ہوئے ۔
· حیدرآباد کی لیبارٹریز میں 241 کیسز مثبت آئے,ڈائریکٹر جنرل ہیلتھ سندھ
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ21 نومبر 2025
ڈائریکٹر جنرل ہیلتھ سندھ کی جانب سے صوبہ بھر میں ڈینگی کی صورتحال سے متعلق یومیہ رپورٹ جاری
کراچی 21 نومبر ۔ڈائریکٹر جنرل ہیلتھ سندھ نے صوبے میں ڈینگی کی صورتحال کے حوالے سے اپنی یومیہ رپورٹ جاری کر دی ہے۔ رپورٹ کے مطابق گزشتہ 24 گھنٹوں کے دوران سرکاری اسپتالوں میں ڈینگی کے 63 نئے مریض داخل ہوئے جبکہ نجی اسپتالوں میں 52 مریضوں میں ڈینگی کی تصدیق ہوئی، جس کے بعد صوبے بھر میں زیرِ علاج مریضوں کی مجموعی تعداد 114 ہوگئی ہے۔رپورٹ میں مزید بتایا گیا کہ کراچی ڈویژن کے سرکاری اسپتالوں میں 31 مریض اور حیدرآباد ڈویژن کے سرکاری اسپتالوں میں 15 مریض داخل کئے گئے۔ صوبے کے سرکاری اسپتالوں میں 69 مریض صحتیاب ہوکر گھروں کو روانہ ہوئے جبکہ نجی اسپتالوں میں 79 مریض مکمل طور پر صحتیاب ہوئے۔ رپورٹ کے مطابق گزشتہ 24 گھنٹوں میں ڈینگی کے باعث صوبے میں کسی ہلاکت کی اطلاع موصول نہیں ہوئی۔صحت کے ڈپارٹمنٹ کی روزانہ کی رپورٹ کے مطابق صوبے کی سرکاری اور نجی لیبارٹریوں میں مجموعی طور پر 4562 افراد کے ڈینگی ٹیسٹ کئے گئے جن میں سے 516 ٹیسٹ مثبت آئے۔ ان مثبت کیسز میں سے سب سے زیادہ تعداد کراچی میں رپورٹ ہوئی جہاں 275 افراد میں ڈینگی کی تصدیق ہوئی، جبکہ حیدرآباد ڈویژن کی لیبارٹریوں میں 241 مثبت کیسز سامنے آئے۔ڈائریکٹر جنرل ہیلتھ سندھ نے شہریوں سے اپیل کی ہے کہ وہ ڈینگی سے بچاؤ کیلئے احتیاطی تدابیر اختیار کریں اور بخار یا دیگر علامات کی صورت میں فوری طور پر قریبی صحت مرکز سے رجوع کریں۔
ہینڈآؤٹ نمبر 1306۔۔۔ایس ڈی
ڈائریکٹوریٹ آف پریس انفارمیشن
محکمہ اطلاعات حکومت سندھ فون۔99204401
کراچی
مور خہ21 نومبر 2025
کچے میں کریک ڈاؤن کے ذریعے امن کی بحالی کے لیے سندھ حکومت پُرعزم، اہم کامیابیاں حاصل۔ ترجمان سندھ حکومت سکھدیو ہمنانی
کراچی 21 نومبر ۔حکومتِ سندھ کے ترجمان سکھدیو ہمنانی نے بتایا کہ وزیراعلیٰ سندھ کی ہدایات پر 100 اسپیشل سیکیورٹی یونٹ (SSU) کمانڈوز کی اسٹریٹجک طور پر اہم کندھکوٹ–گھوٹکی پل پر تعیناتی سے سیکیورٹی مزید مضبوط ہوئی ہے، عوامی آمدورفت محفوظ ہوئی ہے اور اہم تنصیبات کا تحفظ یقینی بنایا گیا ہے۔ انہوں نے مزید کہا کہ گھوٹکی اور سکھر کے کچے میں پولیس کی حالیہ کارروائیوں نے بدنام ڈاکو سرداروں کے اُس نیٹ ورک کو خاص طور پر نشانہ بنایا ہے جو سندھ اور پنجاب میں قتل و اغوا کی سنگین وارداتوں میں ملوث رہا ہے۔سکھدیو ہمنانی نے کہا کہ سندھ حکومت نے کشمور، گھوٹکی، شکارپور اور ملحقہ کچے کے علاقوں میں ٹارگٹڈ آپریشنز کو تیز کر دیا ہے، جس کے نتیجے میں جرائم پیشہ گروہوں کو بڑا نقصان ہوا ہے۔ مسلسل دباؤ کے باعث حریف ڈاکو گروہوں میں باہمی لڑائی بھی شروع ہوگئی ہے، جس سے ان کے نیٹ ورک مزید کمزور ہو رہے ہیں۔سکھدیو ہمنانی نے شہریوں کے تحفظ کے لیے شہادت پانے والے پولیس اہلکاروں کو خراج تحسین بھی پیش کیا۔انہوں نے مزید کہا کہ اس بھرپور کارروائی کے خاطر خواہ نتائج سامنے آئے ہیں۔ حالیہ آپریشنز میں 170 سے زائد ڈاکو مارے جا چکے ہیں جبکہ سیکڑوں گرفتار یا زخمی ہوئے ہیں۔ اس کے علاوہ سندھ کی منظم ’’سرنڈر اور ری ہیبلیٹیشن پالیسی‘‘ کے تحت درجنوں ڈاکوؤں نے خود کو رضاکارانہ طور پر پولیس کے حوالے کیا ہے، اپنے ہتھیار جمع کروائے ہیں اور نگرانی میں قانون کے دائرے میں رہتے ہوئے معاشرے میں دوبارہ شمولیت پر آمادگی ظاہر کی ہے۔ ہمنانی نے زور دیا کہ ’’یہ کوئی عام معافی نہیں بلکہ ایک مشروط پروگرام ہے جو جرم چھوڑنے والوں کو قانون کا پابند شہری بن کر اپنی زندگی دوبارہ شروع کرنے کا موقع دیتا ہے۔انہوں نے یقین دلایا کہ کچے کے علاقے سے ڈاکوؤں کا مکمل خاتمہ اور امن کی بحالی کے لیے کوئی کسر نہیں چھوڑی جائے گی۔ ’’حکومتِ سندھ صوبے کے تمام کچے علاقوں میں امن، ترقی اور قانون کی حکمرانی کو یقینی بنانے کے لیے قانون نافذ کرنے والے اداروں، مقامی انتظامیہ اور کمیونٹی اسٹیک ہولڈرز کے ساتھ اپنا کام جاری رکھے گی۔
ہینڈآؤٹ نمبر 1307۔۔۔
