وزیر محنت و سماجی تحفظ سندھ سعید غنی نے ایمپلائر فیڈریشن آف پاکستان (ای ایف پی) اور انٹرنیشنل لیبر آرگنائزیشن (آئی ایل او) کے اشتراک سے مقامی ہوٹل میں منعقدہ سیمینار میں بحثیت مہمان خصوصی شرکت کی اور خطاب کیا۔
اس موقع آئی ایل او کے کنٹری ڈائریکٹر برائے پاکستان GEIR TONSTON، سابق صدر ای ایف پی عبدالمجید عزیز، نائب صدر فیروز عالم، نیشنل پروجیکٹ کورڈینیٹر آئی ایل او اعجاز احمد و دیگر نے بھی موجود تھے۔
===================
سندھ میں ملازمتوں پر تقرری کیلئے نیا طریقہ کار منظور
کامران رضی
سندھ میں ملازمتوں پر تقرری کیلئے نیا طریقہ کار منظور
سندھ حکومت نے ملازمتوں پر تقرری کیلئے نیا طریقہ کار منظور کرلیا۔ گریڈ 5 تا 15 کی آسامیوں کیلئے تبدیلیاں کی گئیں، امیدوار کو تعلیمی نمبروں کی بنیاد پر اضافی پوائنٹس دینے کا فیصلہ کیا گیا ہے۔
اس حوالے سے جاری نوٹیفکیشن کے مطابق اضافی نمبر تعلیمی اسناد میں 50 فیصد سے کم نمبر والوں کو دیے جائیں گے۔
نوٹیفکیشن کے مطابق ڈپارٹمنٹل سلیکشن کمیٹی امیدواروں کو 5 اضافی نمبر دے گی، یہ اقدام میرٹ کی بنیاد پر معیاری امیدواروں کی حوصلہ افزائی کرے گا۔
نوٹیفکیشن کے مطابق ہر ایک اسامی پر کم از کم پانچ امیدواروں کو انٹرویو کیلئے بلایا جائے گا، اہل امیدواروں کی تعداد زیادہ ہو یا امیدواروں کے نمبر مساوی ہوں تو بھی انٹرویو کیلئے بلایا جائے گا۔
نوٹیفکیشن کے مطابق کامیاب امیدواروں کی ویٹنگ لسٹ انٹرویو کے بعد 90 دن کیلئے کارآمد رہے گی۔
نوٹیفکیشن کے مطابق سیبا کے تحت ٹیسٹ میں اعلیٰ کیٹیگری میں کامیاب امیدوار انٹرویو کے اہل ہوں گے اعلیٰ کیٹیگری کے امیدوار نچلی کیٹیگریز کے انٹرویو کیلئے بھی اہل ہوں گے۔
=========================
فیصل آباد: کیمیکل فیکٹری میں دھماکا، جاں بحق افراد کی تعداد 20 ہوگئی
فیصل آباد کے علاقے ملک پور میں کیمیکل فیکٹری میں گیس لیکج کے دھماکے سے ہلاکتوں کی تعداد 20 ہوگئی۔
جیونیوز کے مطابق ملک پور میں واقع فیکٹری میں ہونے والا دھماکا اس قدر شدید تھا کہ فیکٹری زمین بوس ہوگئی اور اس میں آگ لگ گئی جب کہ ملحقہ مکانوں کی چھتیں گر گئیں۔
ریسکیو حکام کا کہنا ہے کہ واقعے کی اطلاع ملتے ہی امدادی کارروائیاں شروع کردیں، اب تک 18 افراد کی لاشیں نکالی جاچکی ہیں جب کہ 2 زخمی اسپتال میں دم توڑ گئے۔
ریسکیو حکام کے مطابق 6 افراد کو زخمی حالت میں نکال کر اسپتال منتقل کردیا گیا جہاں انہیں طبی امداد دی جا رہی ہے۔
ریسکیو حکام کے مطابق جائے وقوعہ سے ملبہ ہٹایا جا رہا ہے، فیکٹری اور گھروں کے ملبے تلے مزید افراد کے دبے ہونے کا خدشہ ہے۔
کمشنر فیصل آباد کا کہنا ہے کہ ابتدائی تفتیش میں یہ بات سامنے آئی ہےکہ فیکڑی میں دھماکا گیس پائپ لائن پھٹنے کے نتیجے میں ہوا، ملک پور میں 4 فیکٹریاں ایک ساتھ منسلک ہو کر کام کر رہی تھیں، زیادہ جانی نقصان فیکٹری سے جڑے گھروں کے رہائشیوں کا ہوا۔
کمشنر کے مطابق واقعے کی تحقیقات کے لیے 5 رکن کمیٹی قائم کی جارہی ہے۔
