فنکاروں کو بولنے کی اجازت نہیں ہے ،مصطفئ قریشی
اطہر جاوید صوفی اور ان کے قبیلے کے دیگر لوگ اب بھی قلم کے ذریعے پاکستان کی فلم انڈسٹری کی خدمت کر رہے ہیں
پریس کلب میں سنئیر صحافی کی سالگرہ کی تقریب میں اقبال لطیف ،امجد شاہ ،حنیف راجہ, حسن جہانگیر او ر کاشف خان دیگر کا اظہار خیال
کراچی اسٹاف رپورٹر
پاکستان کی فلم انڈسٹری کے لیجنڈ اداکار مصطفی قریشی نے کہا کہ اس ملک کے فنکار بولنا چاہتے ہیں مگر انہیں بولنے کی اجازت نہیں ہے وہ کراچی پریس کلب میں سنئیر صحافی اطہر جاوید صوفی کی سالگرہ کی تقریب میں اظہار خیال کر رہے تھے اس موقع پر پی ٹی وی کراچی کے جنرل مینیجر امجد حسین شاہ ،سنئیر پروڈیوسر اقبال لطیف ،کا میڈین حنیف راجہ ،کاشف خان،گلوکار حسن جہانگیر ،تنویر آفریدی ،گلو کارہ شبانہ کوثر ،شاذیہ کوثر ،سنئیر صحافی مقصود یوسفی ،اے ایچ خان ذادہ،سیکریڑی کراچی پریس کلب سہیل افضل،پرویز مظہر ،عبدالوسیع قریشی ،رضوان صدیقی ،ولی اللہ ،ارشد ملک ،سردار لیاقت ،نیو پورٹ کے نادر علی پی ٹی سی ایل یونین کے سابق عہدے دار صابر حسین ،جاوید صوفی کے صاحب ذادے عمیر جاوید سمیت دیگر مہمانان گرامی نے اطہر جاوید صوفی کو ان کی سالگرہ پر مبارکباد دی اور ان کی صحت کے ساتھ لمبی عمر کی دعا کی گئی مصطفی قریشی نے مزید کہا کہ اطہر جاوید صوفی اور ان کے قبیلے کے لوگ آج بھی اپنے قلم کے ذریعے پاکستان کی فلم انڈسٹری کی خدمت کر رہے ہیں جس پر انہیں خراج تحسین پیش کرتے ہیں ،اداکار حنیف راجہ نے کہا کہ اطہر جاوید صوفی نے بہت سے فنکاروں کو پروان چڑھایا ہے اقبل لطیف نے کہا کہ ہم دونوں اسکول کے زمانے کے ساتھی ہیں امجد حسین شاہ نے کہا کہ اطہر جاوید صوفی کی صحافت کے شعبے میں بہت نمایاں خدمات ہیں حسن جہانگیر نے کہا کہ اطہر جاوید صوفی وہ شخصیت ہیں جو فنکاروں میں ہر دلعزیز ہیں ،تنویر آفریدی نے کہا کہ صوفی بھائی اپنی ذات میں انجمن ہیں ان کے اعزاز میں شایان شان تقریب ہونی چاہیے بعد ازاں مہمانوں کی جانب سے سالگرہ پر اطہر جاوید صوفی کو تحائف اور پھول پیش گئے جس کے بعد پر تکلف عشائیہ دیا گیا
