پاکستان عالمی خلائی سائنس کے شعبے میں ابھرتے ہوئے اہم شراکت دار کے طور پر اپنی حیثیت مستحکم کر رہا ہے اور قابلِ ذکر سنگِ میل عبور کرنے کی جانب گامزن ہے۔ سپارکو کی جانب سے منعقدہ بین الاقوامی کانفرنس برائے خلائی اور تکنیکی اطلاقات برائے سماجی و اقتصادی ترقی کے اختتامی اجلاس سے وفاقی وزیر منصوبہ بندی پروفیسر احسن اقبال کا خطاب۔
✅پاکستان کی خلائی پیش رفت کے کلیدی سنگِ میل:
💠 2026 میں پاکستان کا پہلا لونا کیوب سیٹ لانچ کیا جائے گا۔
💠 2026 میں پاکستانی خلانورد بین الاقوامی مشن میں حصہ لیں گے۔
💠 جنوری 2028 میں ملک کا پہلا مون روور لانچ کیا جائے گا۔
💠 2035 تک مکمل چاند مشن کا روڈ میپ تیار کیا جائے گا۔
✅ سال 2025 پاکستان کے لیے خلائی صلاحیتوں کے حصول کے لحاظ سے ایک اہم سال ثابت ہوا، جس کی بنیاد حالیہ کامیاب لانچز جیسے PakSat-MM1، EO-1، سنتھیٹک ایپرچر سسٹم اور HS-1 ہائپر اسپیکٹرل سیٹلائٹ نے رکھی۔
✅ ارتھ آبزرویشن ٹیکنالوجیز نے درست زرعی منصوبہ بندی، ماحولیاتی پالیسی سازی اور قدرتی آفات جیسے 2022 اور 2025 کے بڑے سیلاب میں مؤثر حکمت عملی کو تقویت دی ہے۔
✅ سیٹلائٹ سے فعال کنیکٹوٹی نے ٹیلی ہیلتھ، ڈیجیٹل کلاس رومز، دیہی براڈ بینڈ رسائی اور ای-کامرس کو فروغ دیا۔
✅ انسٹی ٹیوٹ آف اسپیس ٹیکنالوجی اور نیشنل سینٹر فار جی آئی ایس اینڈ اسپیس اپلیکیشنز ، جو کہ سال 2017 میں قائم کیے گئے وہ کامیابی سے نوجوان انجینئرز، محققین اور خلائی سائنسدانوں کی نئی نسل کو تربیت دے رہے ہیں۔
تقریب سے خطاب کرتے ہوئے وفاقی وزیرپروفیسر احسن اقبال نے اس بات پر زور دیا کہ خلائی تحقیق اکیلے ممکن نہیں اور اسلامی دنیا سمیت عالمی شراکت داروں کے ساتھ مضبوط تعاون ناگزیر ہے۔
===========================
فیصل آباد، کیمیکل فیکٹری میں بوائلر پھٹ گیا، 4 افراد جاں بحق
فیصل آباد، کیمیکل فیکٹری میں بوائلر پھٹ گیا، 4 افراد جاں بحق
فیصل آباد میں ملک پور کے علاقے میں کیمیکل فیکٹری میں بوائلر پھٹنے کے نتیجے میں 4 افراد جاں بحق ہوگئے، ملبے سے 9 زخمیوں کو نکال لیا گیا۔
ریسکیو ذرائع کے مطابق دھماکے سے فیکٹری میں آگ لگ گئی۔
دھماکے سے فیکٹری اور ملحقہ مکانوں کی چھتیں گر گئیں، اب تک 4 افراد کے لاشیں نکال لی جاچکی ہیں۔
ریسکیو ذرائع کے مطابق ملبے سے 9 افراد کو زخمی حالت میں نکالا گیا، مزید افراد کے ملبے تلے دبے ہونے کا خدشہ ہے۔
