ٹی ٹوئنٹی ٹرائی نیشن سیریز کے دوسرے میچ میں زمبابوے نے سری لنکا کو 67 رنز سے شکست دے دی۔
راولپنڈی میں کھیلے گئے میچ میں سری لنکا کی ٹیم 163رنز کے تعاقب میں 95 رنز بناکر آؤٹ ہوگئی۔ کپتان دُسون شناکا نے سب سے زیادہ 34 رنز کی اننگز کھیلی۔
زمبابوے کے بریڈ ایونز نے3 اور رچرڈ ناگاراوا نے 2 کھلاڑیوں کو آؤٹ کیا۔
سری لنکا نے زمبابوے کے خلاف ٹاس جیت کر فیلڈنگ کا فیصلہ کیا۔ پہلے بیٹنگ کرتے ہوئے زمبابوے نے مقررہ 20 اوورز میں 8 وکٹوں پر 162 رنز بنائے، برائن بنیٹ49 اور سکندر رضا 47 رنز بنا کر نمایاں رہے۔
سری لنکا کے ہسارنگا نے 3 اور ایشان ملنگا نے 2 وکٹیں حاصل کیں۔
ونندو ہاسارنگا آج سری لنکا کی پلیئنگ الیون میں شامل ہیں جبکہ ایشان ملنگا ٹی ٹوئنٹی میں ڈیبو کیا۔
دوسری جانب زمبابوے نے سری لنکا کے خلاف میچ میں پلیئنگ الیون میں کوئی تبدیلی نہیں کی اور وہی ٹیم برقرار رکھی جو پاکستان کے خلاف میچ میں تھی۔
