پاکستان انٹرنیشنل اسکرین ایوارڈز 2025 کی تیاریاں

دبئی میں پاکستان انٹرنیشنل اسکرین ایوارڈ 2025 کی رنگا رنگ تقریبات سجنے کو تیار ہے۔ فواد خان اور ماہرہ خان سمیت کئی فنکار جلوہ گر ہوں گے۔

پاکستان انٹرنیشنل اسکرین ایوارڈ (پی آئی ایس اے) 2025 دبئی میں 22 نومبر کو دبئی فیسٹیول ارینا میں منعقد ہو رہا ہے۔ جس میں پاکستانی شوبز صنعت کے سب بڑے بڑے نام شرکت کریں گے۔

تقریب میں شرکت کرنے والے پاکستان کے صف اول کے فنکاروں میں فواد خان، ماہرہ خان، فرحان سعید، فارس شافی، امر خان، یشمہ گل، مصطفیٰ خان، ارییکا حق، ہالہ الترک، سارہ خان، اور فلک شبیر سمیت دیگر شامل ہیں۔

ایونٹ کی میزبانی کے لیے فواد خان اور ماہرہ خان کا نام سامنے آ رہا ہے۔

فیصل خان کی قائم کردہ پی آئی ایس اے نے عالمی مقام حاصل کر لیا ہے۔ جہاں پاکستانی سینما، ٹیلی ویژن، موسیقی اور ڈیجیٹل میڈیا میں حاصل کی گئی کامیابیوں کو سراہا جاتا ہے۔ یہ ایونٹ پاکستان کے بہترین ٹیلنٹ کو عالمی سطح پر اجاگر کرتا ہے۔

منتظمین نے دعویٰ کیا ہے کہ رواں سال کا اسکرین ایوارڈ گزشتہ تمام ریکارڈ توڑ دے گا۔ اور یہ پہلے سے زیادہ دلکش اور بڑا ہوگا۔ گزشتہ ایڈیشنز کی طرح اس بار بھی شاندار پرفارمنسز، اسٹائل اور جذبات سے بھرپور لمحے اس تقریب کا حصہ ہوں گے۔