وزیراعلیٰ سندھ سید مراد علی شاہ کا پاکستان قومی کرکٹ ٹیم کو سری لنکا کو کلین سویپ کرنے پر مبارکباد؛
شائینوں نے ثابت کردیا کہ ان کے عزم و حوصلے بلند ہیں؛وزیراعلیٰ سندھ
شاہینوں نے بہترین کھیل کا مظاہرہ کرکے سیریز اپنے نام کی؛ وزیراعلیٰ سندھ
قومی کرکٹ ٹیم بھرپور صلاحیت کی مالک ہے؛ وزیراعلیٰ سندھ
عبدالرشید چنا
میڈیا کنسلٹنٹ، وزیراعلیٰ سندھ
========================
پاکستان نے سری لنکا کو ون ڈے سیریز میں کلین سوئپ کر دیا
پاکستان نے سری لنکا کو تیسرے ون ڈے میچ میں شکست دے کر سیریز 0- 3 سے جیت لی۔
سری لنکا نے پاکستان کو 212 رنز کا ہدف دیا تھا۔
راولپنڈی کرکٹ اسٹیڈیم میں کھیلے گئے میچ میں پاکستان نے سری لنکا کے خلاف ٹاس جیت کر پہلے فیلڈنگ کا فیصلہ کیا تھا۔
مہمان ٹیم 46 اوورز میں 211 رنز پر پویلین لوٹ گئی۔
سدیرا سمارا وکرما نے48، کوشال مینڈس نے 34، کامل مشارا نے 29 اور پوون رتنائیکے نے 32 رنز کی اننگز کھیلی۔
پاکستان کے محمد وسیم جونیئر نے 3، حارث رؤف اور فیصل اکرم نے 2، 2 کھلاڑیوں کو آؤٹ کیا۔
پاکستان نے سری لنکا کا دیا گیا 212 رنز کا ہدف 32 گیندوں قبل 4 وکٹوں کے نقصان پر حاصل کر لیا، ہدف کے تعاقب میں پاکستانی بلے بازوں نے خطرات سے بچتے ہوئے محتاط مگر مؤثر بیٹنگ کی۔
فخر زمان اور بابر اعظم نے 74 رنز کی اہم شراکت قائم کی، جس نے ہدف کی بنیاد مضبوط کر دی، آخری مراحل میں محمد رضوان نے ناقابلِ شکست 61 رنز کی اننگ کھیلی جبکہ حسین طلعت 42 رنز بنا کر ناٹ آؤٹ رہے۔
میچ کا فیصلہ 44 ویں اوور میں اس وقت ہوا جب تھیكشنا کی گیند پر حسین طلعت نے شاندار 4 رنز اسکور کر کے پاکستان کو سیریز میں فیصلہ کن فتح دلا دی۔
پاکستان نے میچ 6 وکٹوں سے جیت کر سیریز میں وائٹ واش مکمل کیا ہے، یہ سری لنکا کے خلاف پاکستان کی تیسری کلین سویپ سیریز ہے۔
حارث رؤف کو پاکستان سری لنکا ون ڈے سیریز کا پلیئر آف دی سیریز قرار دیا گیا ہے۔
واضح رہے کہ پاکستان کرکٹ ٹیم نے سیریز کے آخری میچ میں 4 تبدیلیاں کی تھیں، فیصل اکرم، شاہین آفریدی، فہیم اشرف اور حسیب اللّٰہ پلیئنگ الیون میں شامل کیے گئے۔
سری لنکن ٹیم کے کپتان چریتھ اسالنکا بیمار ہو گئے تھے جس کی وجہ سے آج کے میچ میں کوشال مینڈس قیادت کر رہے تھے۔
