شاہین آفریدی کا سری لنکا اور زمبابوے ٹیم کے اعزاز میں عشائیہ
پاکستان کرکٹ ٹیم کے کپتان شاہین شاہ آفریدی نے اسلام آباد میں سری لنکا اور زمبابوے ٹیموں کے اعزاز میں عشائیہ دیا۔
اسلام آباد میں قومی ون ڈے ٹیم کے کپتان شاہین شاہ آفریدی کی جانب سے سری لنکا اور زمبابوے کی کرکٹ ٹیموں کے اعزاز میں پرتکلف عشائیہ دیا گیا۔
اس میں مہمان کھلاڑیوں کے ساتھ قومی ون ڈے اور ٹی ٹوئنٹی اسکواڈ کے کھلاڑیوں نے بھی شرکت کی۔
کھلاڑیوں نے مقامی ہوٹل کی چھت سے اسلام آباد کی خوبصورت شام سے محظوظ ہونے کے ساتھ ساتھ مختلف اقسام کے لذیذ پاکستانی کھانے بھی کھائے۔
زمبابوے اور سری لنکا کے کھلاڑیوں نے پاکستانی مہمان نوازی کی تعریف کی۔
=========================
ٹی20 ٹرائی سیریز کیلئے تیار ہیں، اسسٹنٹ کوچ زمبابوے
ٹی20 ٹرائی سیریز کیلئے تیار ہیں، اسسٹنٹ کوچ زمبابوے
زمبابوے کرکٹ ٹیم کے اسسٹنٹ کوچ ڈیون ابراہیم نے کہا ہے کہ ہم ٹی20 ٹرائی سیریز کےلیے تیار ہیں۔
اسلام آباد میں میڈیا سے گفتگو میں ڈیون ابراہیم نے کہا کہ زمبابوے کے کئی کھلاڑی پہلی بار پاکستان کادورہ کر رہے ہیں۔
ٹرائی نیشن سیریز، ٹیم زمبابوے کی اسلام آباد میں پریکٹس
انہوں نے کہا کہ زمبابوے کی ٹیم ٹی20 ٹرائی سیریز کےلیے تیار ہے، پاکستان سپر لیگ سے کئی کھلاڑیوں نے تجربہ حاصل کیا ہے۔
ڈیون ابراہیم نے مزید کہا کہ ٹی20 ورلڈکپ کے لیے ٹرائی سیریز کی تیاری اہم کردار ادا کرے گی، انٹرنیشنل کرکٹ میں مختلف کنڈیشنز میں کھیلنا پڑتا ہے۔
اُن کا کہنا تھا کہ پاکستان کے پاس ورلڈ کلاس کھلاڑی ہیں، ٹرائی سیریز میں معلوم ہوگا کہ ہماری کرکٹ کہاں کھڑی ہے۔
زمبابوے ٹیم کے اسسٹنٹ کوچ نے یہ بھی کہا کہ اپنے ملک کے لیے کھیلنا اور کوچنگ کرنا فخر کی بات ہوتی ہے، زمبابوے کرکٹ ٹیم پاکستانی شائقین کرکٹ کی سپورٹ چاہتی ہے۔
