ملتان سلطانز کے مالک علی ترین کو پی ایس ایل کی تجدید کی پیشکش نہیں ملی
لاہور، پاکستان سپر لیگ کے فرنچائزز کیلئے تجدید کی پیشکشیں اور نئی فرنچائز فیس کی تفصیلات سامنے آ گئی ہیں لیکن ملتان سلطانز کے مالک علی ترین کو یہ پیشکش نہیں دی گئی۔
پاکستان سپرلیگ نے تصدیق کی کہ تجدید کی پیشکشیں اور نئی فرنچائزز فیس “تمام مطمئن فرنچائزز” کو بھیجی گئی ہیں اورسلطانزکے نمائندے نے کہا کہ ان کی ٹیم کو یہ پیشکش موصول نہیں ہوئی۔
کچھ دیگرفرنچائززنے تصدیق کی کہ پاکستان سپرلیگ کی مینجمنٹ نے جمعرات کومالکوں کے ساتھ ملاقات کے بعد تجدید کی پیشکشیں بھیجی ہیں، جس میں دیگر پانچ فرنچائززکوآئندہ دس سال کیلئے اپنے مالک ہونے کا موقع دیا گیا ہے۔
پی ایس ایل کی 2 نئی ٹیموں کیلئے ٹینڈر جاری، انتخاب کن شہروں سے ہو گا؟
سلطانز کومستقبل کے شیڈول اورآپریشنز کے اجلاس میں مدعو کیا گیا، لیکن وہ مالی معاملات پر ہونے والے اجلاس میں شامل نہیں ہوئے،علی ترین اور پاکستان سپرلیگ کے درمیان دیرینہ تنازعہ اس وقت عیاں ہوا جب ترین نے لیگ پر شفافیت اوررابطے کی کمی پرکھل کر تنقید کی۔
پہلے پاکستان سپرلیگ نے انہیں بلیک لسٹ کرنے کی دھمکی دی، جس کے بعد ترین نے طنزیہ ویڈیو معافی پیش کی، جس میں انہوں نے پاکستان کرکٹ بورڈ کا نوٹس پھاڑ دیا تاہم پاکستان کرکٹ بورڈ کے نزدیک یہ معافی تسلیم نہیں کی گئی۔
تمام فرنچائززکوتجدید کی پیشکش پر10 دن میں جواب دینا ہوگا اورنئے سالانہ فرنچائززفیس میں کم ازکم 25 فیصد اضافہ متوقع ہے۔
اس سال پاکستان سپر لیگ میں دو نئی ٹیمیں شامل کی جائیں گی اورممکنہ شہروں کی فہرست میں حیدرآباد، سیالکوٹ، مظفرآباد، فیصل آباد، گلگت اورراولپنڈی شامل ہیں، جن میں سے دوکا انتخاب کیا جائے گا، پاکستان سپرلیگ کا نیا آٹھ ٹیموں والا ایڈیشن آئندہ سال اپریل اورمئی میں منعقد ہوگا۔
==================================
جلالپور پیروالہ: مسافر بس اور دو موٹرسائیکلوں میں تصادم، 4 افراد جاں بحق
جلالپور پیروالہ میں مسافر بس اور دو موٹرسائیکلوں کے نتیجے میں 4 افراد زندگی کی بازی ہار گئے۔
جلالپور پیروالہ:- جلالپور پیروالہ میں مسافر بس اور دو موٹرسائیکلوں کے نتیجے میں 4 افراد زندگی کی بازی ہار گئے۔
ریسکیو ذرائع کے مطابق جلالپور پیروالہ میں ناصر موڑ کے قریب تیز رفتار بس نے دو موٹرسائیکلوں کو رونڈ ڈالا، حادثہ اس قدر شدید تھا کہ موٹرسائیکلیں کئی فٹ دور جا گریں اور متاثرین کو سنبھلنے کا کوئی موقع تک نہ ملا، حادثے کے نتیجے میں موٹر سائیکل پر سوار چاروں افراد موقع پر ہی جاں بحق ہو گئے۔
واقعہ کی اطلاع ملتے ہی ریسکیو ٹیمیں اور پولیس کی نفری جائے حادثہ پر پہنچ گئی، ریسکیو ٹیموں نے فوری کارروائی کرتے ہوئے جاں بحق چاروں افراد کی لاشوں کو سول ہسپتال منتقل کر دیا جبکہ ڈرائیور جائے حادثہ سے فرار ہو گیا۔
یہ بھی پڑھیں: اسلحہ لائسنس کی کمپیوٹرائزیشن کے حوالے سے حکومت پنجاب کا بڑا فیصلہ
پولیس نے بس کو تحویل میں لے کر ڈرائیور کی تلاش شروع کر دی ہے تاکہ اس غلطی کے ذمہ دار کو قانون کے کٹہرے میں لایا جا سکے۔
پولیس ذرائع کا بتانا ہے کہ افسوسناک حادثہ میں جاں بحق افراد کی شناخت ابوبکر، حمزہ ، یاسر اور محمد علی کے ناموں سے ہوئی ہے، جاں بحق چار افراد میں دو سگے بھائی بھی شامل تھے جن میں سے ایک کی آج مہندی کل بارات تھی۔
ذرائع کے مطابق حادثہ مسافر بس ڈرائیور کی مبینہ غلفت کی وجہ سے پیش آیا، بس شہبازقلندر سےمسافروں کو واپس لے کر ملتان جارہی تھی۔
