پاکستان چینی فوجی ہتھیاروں کا ایک بڑا فروغ دینے والا اور اچھی مارکیٹنگ کرنے والا ملک بن گیا ہے۔
پاکستان نے انڈونیشیا کو چین سے ہتھیار خریدنے کے فوائد دکھائے۔ جکارتا کو یہ یقین دلایا گیا کہ چینی اسلحہ خریدنا نہ صرف سستا اور معیاری ہے بلکہ اس میں امریکی سیاسی دباؤ بھی نہیں۔ غیر ملکی میڈیا کی رپورٹ کے مطابق پاکستان نے چین سے ہتھیار خریدنے کے اپنے تجربے کو انڈونیشیا کے لیے ایک ماڈل کے طور پر پیش کیا ، جس سے جکارتا کو یہ یقین دلایا گیا کہ چینی اسلحہ خریدنا نہ صرف سستا اور معیاری ہے بلکہ
اس میں امریکی سیاسی دباؤ بھی نہیں ہے۔ اس پس منظر میں انڈونیشیا نے چین کے ہتھیار خریدنے کی سمت قدم بڑھایا، خاص طور پر ایسے فوجی جہاز جیسے J-10، جنہیں چینی عوامی فوج کی فضائیہ کی بائیئی ائروبیٹک ٹیم نے مشقوں کے دوران رنگین دھوئیں کے ساتھ پیش کیا۔
===================
پاکستان مسلم لیگ ن کے قائد اور سابق وزیر اعظم نواز شریف لندن روانہ ہوگئے۔ اے آر وائی نیوز کے مطابق ذرائع کا کہنا ہے کہ نواز شریف قطر ایئر ویز کی پرواز سے برطانیہ روانہ ہوئے، وہ لندن میں اپنے قیام کے دوران معمول کا میڈیکل چیک اپ کروائیں گے، اس مقصد کے لیے سابق وزیراعظم لندن میں ممکنہ طور پر 15 روز تک قیام کریں گے۔
بتایا گیا ہے کہ حال ہی میں مسلم لیگ ن کے قائد نے لاہور کے پنجاب انسٹی ٹیوٹ آف نیوروسائنسز کا دورہ کیا تھا جہاں گردن اور پٹھوں کے درد کی شکایت پر ان کا ایم آر آئی ٹیسٹ کیا گیا، جس کی روشنی میں ڈاکٹرز نے انہیں مزید تفصیلی معائنے کیلیے لندن جانے کا مشورہ دیا تھا۔ دوسری طرف اسلام آباد میں بچوں نے نواز شریف کے سامنے عمران خان زندہ باد کے نعرے لگا دیئے، قائد مسلم لیگ ن کے مرحوم سینیٹر عرفان صدیقی کے گھر سے روانہ ہوتے وقت گلی میں موجود بچے عمران خان کے نعرے لگاتے رہے، یہ واقعہ اس وقت ہوا جب پاکستان مسلم لیگ ن کے صدر اور سابق وزیراعظم محمد نوازشریف نے مرحوم سینیٹر عرفان صدیقی کے گھر پہنچ کر اہل خانہ سے ملاقات کی، فاتحہ خوانی کی اور اپنے گہرے دکھ و ہمدردی کا اظہار کیا۔
اس موقع پر محمد نوازشریف نے کہا کہ عرفان صدیقی کی وفات ان کے لیے بہت گہرا اور بڑا صدمہ ہے، انہوں نے مرحوم سینیٹر کو قابل، باصلاحیت اور عالم انسان قرار دیتے ہوئے کہا کہ وہ وفا اور خلوص کا پیکر تھے اور صحافت کے بعد سیاست میں بھی اپنی صلاحیتوں کا لوہا منوایا، عرفان صدیقی سے میرا قلبی تعلق تھا اور ایک قریبی بھائی کی وفات پر اپنا دکھ بیان کرنا مشکل ہے۔ انہوں نے مرحوم کی دانشمندانہ نصائح اور مشوروں کا ذکر کرتے ہوئے کہا کہ مشکلات کے دوران ان کے مشورے کا بڑا ہاتھ رہا، اس موقع پر مرحوم کے صاحبزادے عمران صدیقی نے نوازشریف کا شکریہ ادا کیا جب کہ نائب وزیراعظم اور وزیر خارجہ اسحاق ڈار اور سینیٹر پرویز رشید بھی موجود تھے۔
