بابر اعظم
نے ایک روزہ کرکٹ میں 2 سال اور 2 ماہ سے زائد کے دورانیے کے بعد یعنی کل 807 دن کے طویل انتظار کے بعد سنچری اسکور کی ہے۔
31 سالہ بابر اعظم نے 10 سال کے دوران 138 میچز کی 135 اننگز کھیلیں اور 20 سنچریاں اور 37 نصف سنچریاں اسکور کی ہیں۔
دوسری طرف سعید انور نے 14 سالہ ون ڈے کیرئیر کے دوران 247 میچز کی 244 اننگز کھیلیں اور 20 سنچریاں اور 43 نصف سنچریاں بنائیں۔
بابر اعظم ایک روزہ کرکٹ میں 5 بار صفر پر آؤٹ ہوئے ہیں جبکہ سعید انور 15 مرتبہ بغیر کوئی رنز بنائے پویلین لوٹے۔
بابر اعظم نے 2 دن میں 2 بھارتی بیٹرز کو پیچھے چھوڑ دیا
اسٹار بیٹر نے ایک روزہ کرکٹ میں 2 سال اور 2 ماہ سے زائد کے دورانیے کے بعد یعنی کل 807 دن کے طویل انتظار کے بعد سنچری اسکور کی ہے۔
اس کے ساتھ ہی بابر اعظم سری لنکا کے خلاف 12 ایک روزہ میچز میں 4 سنچریوں کی مدد سے مجموعی طور پر 666 رنز اسکور کے ہیں، اس طرح انہوں نے عمران خان کا 636 رنز کا ریکارڈ توڑ دیا ہے۔
بابر اعظم انضمام الحق اور محمد حفیظ کا لنکن ٹیم کے خلاف سنچریوں کا ریکارڈ بھی برابر کرچکے ہیں، سری لنکا کے خلاف پاکستان کی طرف سے سب سے زیادہ سنچریوں کا ریکارڈ سعید انور کے پاس ہے، انہوں نے 52 میچز میں 7 بار سو رنز اسکور کر رکھے ہیں۔
بابر اعظم پاکستانی میدانوں میں مستقل مزاجی کے ساتھ پرفارمنس دکھا رہے ہیں، وہ ہوم گراؤنڈ پر 5 ہزار بنانے سے مزید 21 رنز دور ہیں، جس کے بعد وہ پاکستان کے جاوید میانداد، انضمام الحق اور محمد یوسف کے بعد چوتھے بیٹر بن جائیں گے۔
پاکستان کے اسٹار بیٹر نے ایک روزہ کرکٹ میں تیز ترین 20 سنچریاں بنانے والے تیسرے کھلاڑی بن گئے ہیں، جنوبی افریقا کے ہاشم آملہ نے 108 اننگز جبکہ بھارت کے ویرات کوہلی نے یہ سنگ میل 133 اننگز میں عبور کیا تھا جبکہ اے بی ڈویلیر نے 175 اور روہیت شرما نے 183 اننگز میں یہ کارنامہ انجام دیا تھا۔
==================
26 ماہ بعد سنچری، بابر اعظم نے مداحوں سے کیا کہا؟
قومی کرکٹر بابر اعظم نے بلآخر 807 دنوں کے بعد سنچری بنا کر آؤٹ فارم ہونے کے کالے بادل ہٹادیے۔
بین الاقوامی کرکٹ کی 83 اننگز کے بعد بابر اعظم کے مداحوں کا انتظار ختم ہوا، سری لنکا کے خلاف دوسرے ون ڈے میں قومی کرکٹر کے بلے نے اپنا جادو جگایا اور 102 رنز اسکور کیے۔
فوٹوز اینڈ ویڈیوز شیئرنگ پلیٹ فارم انسٹاگرام پر اپنی شاندار پرفارمنس کے بعد بابر اعظم نے پوسٹ شیئر کی۔
انہوں نے گزشتہ روز ہونے والے میچ سے اپنی چند تصاویر شیئر کی اور کیپشن میں ’الحمدللّٰہ‘ لکھا۔ اس کے ساتھ ہی انہوں نے مداحوں کا بھی شکریہ ادا کیا۔
بابر اعظم کی پوسٹ کے کمنٹس سیکشن میں تبصرہ کرتے ہوئے مداحوں کی جانب سے مبارکباد کا تانتا بندھ گیا۔
بابر اعظم نے ویرات کوہلی کا ’ناپسندیدہ‘ ریکارڈ برابر کر دیا
واضح رہے کہ بابراعظم کی شاندار سنچری کے ساتھ پاکستان سے سری لنکا کو دوسرے ون ڈے میں 8 وکٹوں سے ہرا دیا، 289 رنز کا ہدف پاکستان نے دس گیندیں پہلے حاصل کر لیا۔
بابر اعظم نے 8 دل فریب چوکوں کی مدد سے 102 رنز بنائے، اس سنچری کے لیے انہوں نے 2 سال 2 ماہ سے زیادہ عرصہ صبر کیا۔
سنچری بنانے کے بعد بابر اعظم نے پہلے ڈریسنگ روم اور پھر آسمان کی طرف دیکھا اور پھر سجدہ کیا۔
بابر اعظم نے سعید انور کا ریکارڈ برابر کردیا
ناظرین نے ہر اسٹروک پر انہیں جی بھر کر داد دی، جب انہوں نے سنچری بنائی تو پورے اسٹیڈیم نے انہیں کھڑے ہو کر داد دی۔ آخر میں وننگ اسٹروک بھی بابراعظم ہی کے حصے میں آیا۔
میچ کے بعد بابر اعظم نے کہا کہ مداحوں کی سپورٹ سے بہت حوصلہ ملا، جو ہدف تھا اس کے مطابق بیٹنگ کی، سنچری اسکور کرنے کے بعد اعتماد بحال ہوا ہے۔ خود پر بھروسہ تھا کہ سنچری اسکور کرنی ہے۔
