بابر اعظم کی فارم میں واپسی، سر ویوین رچرڈز کو پیچھے چھوڑ دیا!
ریحان خان
|
بابر اعظم
راولپنڈی (14 نومبر 2025) پاکستان کے اسٹار بیٹر بابر اعظم طویل عرصہ بعد ون ڈے میں فارم میں آئے اور آتے ہی انہوں نے لیجنڈ ویوین رچرڈز کو پیچھے چھوڑ دیا۔
پاکستان کے ریکارڈ ساز بلے باز اور سابق کپتان بابر اعظم کی ون ڈے کرکٹ میں طویل عرصہ سے روٹھی فارم واپس آ گئی اور فارم کی واپسی کے ساتھ ہی انہوں نے لیجنڈری کرکٹر سر ویوین رچرڈز کو پیچھے چھوڑ دیا۔
بابر اعظم نے ون ڈے انٹرنیشنل میں طویل عرصہ بعد نصف سنچری اسکور کی۔ یہ انکی 139 میچز کی 136 اننگز میں 38 ویں نصف سنچری ہے۔
انہوں نے اننگ کا آغاز انتہائی محتاط انداز میں کیا اور 68 گیندوں پر نصف سنچری مکمل کی۔ اس دوران انہوں نے صرف تین چوکے لگائے۔
یہ ان کا 57 ویں بار ففٹی پلس اسکور ہے۔ اس کے ساتھ ہی وہ ویسٹ انڈیز کے سابق کپتان اور آل ٹائم گریٹ بلے بازوں میں شامل سر ویون رچرڈ (56 ففٹی پلس اسکور) کو پیچھے چھوڑ کر نئے ریکارڈ پر نظریں جما لیں۔
قومی بیٹر نے اس اننگ کے ساتھ ہی سابق جنوبی افریقی کپتان گریم اسمتھ، سابق کیوی کپتان اسٹیمن فلیمنگ، ناتھن ایسٹل اور مارٹن گپٹن کلب کو جوائن کر لیا ہے۔ ان تمام سابق کرکٹرز نے ون ڈے انٹرنیشنل میں 57 ففٹی پلس اسکور کیا ہوا ہے۔
ریحان خان
+ posts
ریحان خان کو کوچہٌ صحافت میں 25 سال ہوچکے ہیں اور ا ن دنوں اے آر وائی نیوز سے وابستہ ہیں۔ملکی سیاست، معاشرتی مسائل اور اسپورٹس پر اظہار خیال کرتے ہیں۔ قارئین اپنی رائے اور تجاویز کے لیے ای میل krehan469@gmail.com پر بھی رابطہ کر سکتے ہیں۔
دوسراون ڈے، پاکستان نے سری لنکا کو 8 وکٹ سے ہرا دیا
تازہ ترینکھیلوں کی خبریں14 نومبر ، 2025
FacebookTwitterWhatsapp
لمحہ با لمحہقومی خبریںبین الاقوامی خبریںتجارتی خبریںکھیلوں کی خبریںانٹرٹینمنٹصحتدلچسپ و عجیبخاص رپورٹ
فوٹو: اے ایف پی
فوٹو: اے ایف پی
پاکستان نے سری لنکا کو دوسرے ایک روزہ میچ میں 8 وکٹ سے شکست دے کر 3 میچوں کی سیریز میں 0-2 کی فیصلہ کن برتری حاصل کرلی۔
راولپنڈی کرکٹ اسٹیڈیم پر کھیلے گئے میچ میں پاکستان سری لنکا 289 رنز کا ہدف 2 وکٹ کے نقصان پر 49 اوورز میں حاصل کرلیا۔
بابر اعظم نے سعید انور کا ریکارڈ برابر کردیا
میچ کی خاص کی بات بابر اعظم کی شاندار ناقابل شکست سنچری رہی جبکہ محمد رضوان 51 رنز کے ساتھ ناٹ آؤٹ رہے۔ فخر زمان 78 اور صائم ایوب 33 رنز بناکر آؤٹ ہوئے۔ دونوں وکٹیں چمیرا نے حاصل کیں۔
پاکستان نے اس فتح کے ساتھ ہی سری لنکا کے خلاف 0-2 کی فیصلہ کن برتری حاصل کرلی ہے جبکہ سیریز کا تیسرا اور آخری میچ 16 نومبر کو کھیلا جائے گا۔
اس سے قبل مہمان ٹیم سری لنکا نے مقررہ 50 اوورز میں 8 وکٹ پر 288 رنز اسکور کیے تھے، اننگز کی واحد نصف سنچری لنتھ لیاناگے نے اسکور کی، وہ 54 رنز کے ساتھ نمایاں بیٹر رہے۔
بابر اعظم نے انٹرنیشنل کرکٹ میں ایک اور سنگ میل عبور کرلیا
دیگر کھیلاڑیوں کمنڈو مینڈس 44، سدیرا سمارا وکرما 42، کامل مشرا 27، پتھم نسانکا 24، کوشل مینڈس 20، چیریتھ اسالنکا 6 اور دشمانتا چمیرا صفر پر آؤٹ ہوئے۔
گزشتہ میچ کے نصف سنچری میکر ونندو ہسارنگا نے اس بار 37 اور پرامود مدوشن نے 11 رنز کی ناقابل شکست اننگز کھیلی اور سری لنکا کو ایک اچھے ٹوٹل تک پہنچایا۔
گرین شرٹس کی طرف سے ابرار احمد اور حارث رؤف نے 3، 3 جبکہ محمد وسیم نے 1 وکٹ حاصل کی۔
بابر اعظم نے 2 دن میں 2 بھارتی بیٹرز کو پیچھے چھوڑ دیا
پاکستان نے دوسرے ایک روزہ میچ میں سری لنکا کے خلاف ٹاس جیت کر پہلے فیلڈنگ کا فیصلہ کیا، ٹیم میں دو تبدیلیاں کی گئیں، کپتان شاہین شاہ آفریدی اور فہیم اشرف کی جگہ ابرار احمد اور وسیم جونیئر کو ٹیم میں شامل کیا گیا۔
میچ میں پاکستانی ٹیم کی قیادت سلمان علی آغا نے کی، شاہین آفریدی طبعیت ٹھیک نہ ہونے کی وجہ سے ٹیم کا حصہ نہیں تھے۔
سیکیورٹی کے سخت انتظامات
پولیس کے حکام کا کہنا ہے کہ راولپنڈی اسٹیڈیم کے اطراف میں سیکیورٹی کے سخت ترین انتظامات کیے گئے ہیں، ٹیموں کی آمد اور روانگی کے وقت بھی نفری تعینات رہی۔
پولیس حکام کے مطابق حالیہ دہشت گردی کے واقعات کے بعد جامع تلاشی مزید سخت ہوگی، راولپنڈی اسٹیڈیم کے اطراف عمارتوں پر ماہر نشانہ باز تعینات رہیں گے، وی آئی پی پارکنگ میں اسٹیکرز والی گاڑیاں ہی جاسکیں گی۔
محسن نقوی سے سری لنکن کرکٹرز کی ملاقات
حکام کے مطابق شائقین کرکٹ کو اپنی شناختی دستاویزات پاس رکھنے اور تمام افسران کو میچ کے دوران کڑی نگرانی اور فیلڈ میں رہنے کی ہدایت کی گئی۔
پولیس کے حکام کے مطابق تمام افسران و اہلکاروں کو مشکوک افراد اور سرگرمیوں پر کڑی نظر رکھنے کی ہدایت کی۔
