راولپنڈی میں کھیلے گئے دوسرے ون ڈے میچ میں پاکستان نے سری لنکا کو آٹھ وکٹوں سے شکست دی۔ سری لنکا کے 289 رنز کے جواب میں پاکستان نے دو وکٹوں کے نقصان پر ہدف حاصل کر لیا۔ اس کامیابی میں بابر اعظم کی شاندار اننگز نمایاں رہی۔ بابر اعظم نے ڈھائی سال بعد ون ڈے کرکٹ میں سنچری اسکور کی، جو ان کے کیریئر کی 20ویں سنچری ہے۔ اس کے ساتھ ہی انہوں نے سعید انور کے پاکستانی بیٹر کی جانب سے سب سے زیادہ ون ڈے سنچریز کے ریکارڈ کی برابری بھی کر لی۔
پاکستان نے 289 رنز دو وکٹوں کے نقصان پر مکمل کیے، جن میں بابر اعظم نے شاندار ناقابلِ شکست 102 رنز بنائے، محمد رضوان نے ناٹ آؤٹ 51 رنز اسکور کیے، جبکہ فخر زمان نے 78 رنز کی عمدہ اننگز کھیلی۔ اس سے پہلے سری لنکا نے آٹھ وکٹوں کے نقصان پر 288 رنز بنائے تھے، جن میں جَنِتھ لیاناگے کے 54، کامندو مینڈس کے 44 اور ونندو ہسارنگا کے 37 رنز شامل تھے۔ پاکستان کی جانب سے حارث رؤف اور ابرار احمد نے تین تین وکٹیں حاصل کیں۔ پاکستان نے سیریز 0-2 سے اپنے نام کر لی، جبکہ آخری میچ اتوار کو کھیلا جائے گا۔
