پہلے بلائنڈ ویمنز ٹی ٹوئنٹی ورلڈ کپ کے لیے پاکستان کی ٹیم سری لنکا پہنچ گئی

پہلے بلائنڈ ویمنز ٹی ٹوئنٹی ورلڈ کپ کے لیے پاکستان کی ٹیم سری لنکا پہنچ گئی
سپورٹس ڈیسک
November 14, 2025
پہلے بلائنڈ ویمنز ٹی ٹوئنٹی کرکٹ ورلڈ کپ میں شرکت کیلئے قومی ٹیم سری لنکا پہنچ گئی ہے۔سولہ رکنی سکواڈ کی قیادت نمرہ رفیق کر رہی ہیں چئیرمین پاکستان بلائنڈ کرکٹ کونسل سید سلطان شاہ بھی ٹیم کے ہمراہ ہیں۔راؤنڈ روبن فارمیٹ پر کھیلے جارہے ایونٹ میں 6ٹیمیں حصہ لے رہی ہیں۔ پاکستان ویمنز بلائنڈ کرکٹ ٹیم اپنا پہلا میچ کل میزبان سری لنکا کےخلاف کھیلی گی۔ پاکستان اور بھارت 16نومبر کو مدمقابل ہوں گے۔ایونٹ کا فائنل23نومبر کو کولمبو میں شیڈول ہے۔

===============================

دوسرا ون ڈے : پاکستان کی عمدہ بولنگ، سری لنکا کے 4 بیٹرز پویلین لوٹ گئے
November 14, 2025
ویب ڈیسک

دوسرے ون ڈے میں سری لنکا کی پاکستان کے خلاف بیٹنگ جاری ہے، مہمان ٹیم نے چار وکٹوں کے نقصان پر 98 رنز بنا لیے ہیں۔

پاکستان نے سری لنکا کے خلاف ٹاس جیت کر پہلے فیلڈنگ کرنے کا فیصلہ کیا ہے۔

پاکستان کی جانب سے ابرار احمد نے عمدہ بولنگ کرتے ہوئے تین کھلاڑیوں کو آوٹ کیا جب کہ ایک سری لنکن بیٹر رن آوٹ ہوا۔

میچ کے لیے ٹیم میں دو تبدیلیاں کی گئی ہیں۔

فاسٹ بولر شاہین شاہ آفریدی طبیعت کی ناسازی کے باعث میچ کا حصہ نہیں بن سکے، جبکہ ٹیم کی قیادت سلمان علی آغا کر رہے ہیں۔

شاہین شاہ آفریدی اور فہیم اشرف کی جگہ وسیم جونیئر اور ابرار احمد کو پلیئنگ الیون میں شامل کیا گیا ہے۔

ٹیم مینجمنٹ کے مطابق شاہین کو آرام دینا ضروری تھا جبکہ وسیم جونیئر اور ابرار کی شمولیت سے باؤلنگ لائن کو مزید مضبوطی ملے گی۔