
شاباش سری لنکا! پورا پاکستان آپ کے ساتھ ہے۔ کل پاکستانی فینز سری لنکن پرچم لے کر آپ کو سپورٹ کرنے آئیں گے۔ ❤️ 😍
#PAKvSL #PAKvsSL
راولپنڈی میں سری لنکن و پاکستانی کرکٹرز نے چیئرمین پی سی بی محسن نقوی کے ساتھ ملاقات کی ہے۔
محسن نقوی اور پاکستانی کھلاڑیوں کے درمیان خوش گوار ماحول میں ملاقات دیر تک جاری رہی۔
چیئرمین پی سی بی محسن نقوی نے سری لنکن کھلاڑیوں کے ساتھ بھی ملاقات کی۔
اس موقع پر محسن نقوی نے پاکستان کا دورہ جاری رکھنے پر سری لنکن کھلاڑیوں کا شکریہ ادا کیا اور کہا کہ آپ کی سیکیورٹی ہماری ذمے داری ہے۔
انہوں نے کہا کہ آپ کا دورۂ پاکستان جاری رکھنا امن کی جیت اور دہشت گردی کی شکست ہے، پورا پاکستان آپ کی محبت اور خلوص کا ہمیشہ مقروض رہے گا۔
چیئرمین پی سی بی محسن نقوی نے یہ بھی کہا کہ پاکستان اور سری لنکا کی دوستی کا یہ خوبصورت موڑ پاکستانی قوم ہمیشہ یاد رکھے گی۔
وہاں موجود سری لنکن ہائی کمشنر نے کہا کہ مختلف ممالک میں خدمات انجام دی ہیں لیکن پاکستان کواپنا دوسرا گھر سمجھتا ہوں، سیکیورٹی سے ہم سب مطمئن ہیں
================
سری لنکا کیخلاف پہلا ون ڈے، سلو اوور ریٹ پر پاکستان پر جرمانہ
انٹرنیشنل کرکٹ کونسل (آئی سی سی) کی جانب سے سری لنکا کے خلاف پہلے ون ڈے میچ میں سلو اوور ریٹ پر پاکستان کرکٹ ٹیم پر جرمانہ کیا گیا ہے۔
آئی سی سی کے مطابق سلو اوور ریٹ پر پاکستان کو میچ فیس کا 20 فیصد جرمانہ کیا گیا ہے۔ پاکستان ٹیم نے مقررہ وقت میں 4 اوورز کم کرائے۔
آئی سی سی نے بتایا ہے کہ پاکستانی کپتان شاہین آفریدی نے آئی سی سی کی سزا قبول کر لی۔
واضح رہے کہ پہلے ون ڈے میچ میں پاکستان نے سری لنکا کو شکست دی تھی
===================
سکندر بخت، راشد لطیف نے سری لنکن ٹیم کے فیصلے کو خوش آئند قرار دیدیا
سکندر بخت، راشد لطیف نے سری لنکن ٹیم کے فیصلے کو خوش آئند قرار دیدیا
سابق ٹیسٹ کرکٹر سکندر بخت اور راشد لطیف نے سری لنکن ٹیم کے دورۂ پاکستان جاری رکھنے کو خوش آئند قرار دیا ہے۔
سکندر بخت نے جیو نیوز سے گفتگو میں پاک سری لنکا سیریز میں گڑبڑ کی کوشش میں بھارت کے ملوث ہونے کا خدشہ ظاہر کر دیا۔
انہوں نے راولپنڈی کے عوام سے اپیل کی کہ اگلے ون ڈے میچ میں سری لنکا کی ٹیم کی کھڑے ہو کر تالیاں بجا کر حوصلہ افزائی کریں۔
سکندر بخت نے کہا کہ پاکستانی اسٹیڈیم میں سری لنکن جھنڈے لہرا کر ٹیم کا استقبال کریں، یہ اقدام دہشتگردوں کے ارادوں کو خاک میں ملا دے گا۔
دوسری جانب سابق کرکٹر راشد لطیف نے بھی سری لنکن ٹیم کو دورہ پاکستان جاری رکھنے کو خوش آئند قرار دیا ہے۔
انہوں نے کہا کہ سری لنکا کو ٹیسٹ اسٹیٹس نہیں ملا تھا تب پاکستان نے مدد کی۔
راشد لطیف کا کہنا تھا کہ تامل خانہ جنگی کے دنوں میں بھی پاکستان سری لنکا کا دورہ کرتا رہا تھا۔























