بیلم/ برازیل:کاپ30 کانفرنس میں صوبہ پنجاب کی طرف سے ’پاکستان پویلین ‘قائم کردیا گیا۔ وزیراعلی پنجاب مریم نوازشریف پاکستان پویلین کا باضابطہ افتتاح کریں گی ۔
کاپ30کانفرنس کے موقع پر دنیا بھر سے ممالک نے اپنی اپنی پویلینز قائم کی ہیں ۔پویلین کا عنوان ’فرام دی انڈس ٹو دی ایمازون‘ رکھا گیا ہے
پویلین میں ستھرا پنجاب سمیت پنجاب حکومت کے گزشتہ ڈیڑھ سال کے دوران کئے اقدامات کو اجاگر کیاگیا ہے۔کاپ 30 میں پاکستانی پویلین حاضرین کی دلچسپی کا مرکز بن گیا۔پویلین میں بڑی سکرینز بھی نصب کی گئی ہیں ۔
پویلین کو قومی پرچم کے رنگوں سے آراستہ کیاگیا ہے ۔پویلین میں ماحول کی بہتری کے حکومت پنجاب کے اقدامات کے بارے میں ڈاکومینٹریز بھی پیش کی جارہی ہیں
وزیراعلی پنجاب مریم نوازشریف پاکستان پویلین کا باضابطہ افتتاح کریں گی ۔اس موقع پر وزیراعلی مریم نوازشریف خطاب میں پنجاب حکومت کی ماحول دوست پالیسیوں پر اظہار خیال کریں گی
==========================
سندھ کے سینئر وزیر شرجیل انعام میمن کی جانب سے پاکستان پیپلز پارٹی کے سینٹرل ایگزیکٹو کمیٹی کے ممبران کے اعزاز میں ظہرانہ دیا گیا۔
ظہرانے کی تقریب میں پنجاب کے گورنر سردار سلیم حیدر خان، خیبر پختونخوا کے گورنر فیصل کریم کنڈی، وزیر اعلٰی بلوچستان سرفراز بگٹی اور پاکستان پیپلز پارٹی کی سینٹرل ایگزیکٹو کمیٹی کے ممبران نیئر حسین بخاری، ندیم افضل چن، قمر الزمان کائرہ، چوہدری منظور، ہمایوں خان، رکن قومی اسیمبلی اعجاز جکھرانی، صوبائی وزیر برائے بلدیات سید ناصر حسین شاہ، صوبائی وزیر برائے محنت و سماجی تحفظ سعید غنی، سہیل انور سیال اور دیگر کے اعزاز میں ان کی رہائش گاہ پر ایک ضیافت کا اہتمام کیا گیا۔
ظہرانے کے موقع پر پارٹی کے تنظیمی امور، ملکی سیاسی صورتحال، اور آئندہ کی حکمتِ عملی پر تفصیلی تبادلۂ خیال کیا گیا۔
ملاقات میں شرکاء نے ملک کی موجودہ سیاسی فضا، وفاقی روابط اور عوامی فلاحی منصوبوں کے تسلسل پر بات چیت کی۔ رہنماؤں نے سندھ حکومت کی عوام دوست پالیسیوں اور ترقیاتی اقدامات کو سراہتے ہوئے کہا کہ پیپلز پارٹی نے ہمیشہ عوامی خدمت کو ترجیح دی ہے اور یہی اس کی سیاسی طاقت کی بنیاد ہے۔
شرجیل انعام میمن نے پنجاب کے گورنر سردار سلیم حیدر خان، خیبر پختونخوا کے گورنر فیصل کریم کنڈی، وزیر اعلٰی بلوچستان سرفراز بگٹی اور پیپلز پارٹی کے مرکزی رہنماؤں کو سندھ میں جاری ترقیاتی منصوبوں سے آگاہ کیا، جن میں پیپلز بس سروس، ای وی بس سروس، سندھ پیپلز ہاؤسنگ فاؤنڈیشن، اور تھر کے توانائی و ترقیاتی منصوبے شامل ہیں۔
پیپلز پارٹی رہنماؤں نے اتفاق کیا کہ موجودہ سیاسی چیلنجز کے باوجود پیپلز پارٹی وفاق کی علامت کے طور پر اپنا فعال اور تعمیری کردار ادا کرتی رہے گی، اور ملک کی وحدت و جمہوریت کے استحکام کے لیے اپنی کاوشیں جاری رکھے گی۔
ملاقات کے اختتام پر شرجیل انعام میمن نے تمام رہنماؤں کا شکریہ ادا کرتے ہوئے کہا کہ چیئرمین بلاول بھٹو زرداری کی قیادت میں پارٹی عوامی خدمت، ترقی اور استحکام کے سفر کو بھرپور انداز میں آگے بڑھا رہی ہے۔
