یونان اور البانیہ کی سرحد کے نزدیک واقع سلفر کیو میں سائنسدانوں نے دنیا کے سب سے بڑے معلوم مکڑی کے جالے کا انکشاف کیا ہے، جہاں تقریباً 111000 مکڑیاں ایک ہی جالے میں رہتی ہیں۔
ماہرین کے مطابق مکڑی کا جالا 106 مربع میٹر کے رقبے پر محیط ہے اور ایک تنگ، کم سقف والے غار کے اندر تعمیر کیا گیا ہے اور جالے میں دو قسم کی مکڑیاں شامل ہیں، ٹیگیناریا ڈومیسٹیکا (گھریلو مکڑی) اور پرینریگون ویگانز (شیٹ ویور مکڑی)، جو غیر معمولی طور پر ایک ہی جالے میں مشترکہ طور پر رہ رہی ہیں۔
سائنسدانوں کے مطابق یہ غار مکمل طور پر تاریک ہے اور مکڑیاں سلفر آکسائیڈ کرنے والی بیکٹیریا کے پیدا کردہ کیمیکل چین سے اپنی خوراک حاصل کرتی ہیں، جو ایک منفرد ماحولیاتی نظام کی نمائندگی کرتا ہے۔
ماہرین کے مطابق یہ دریافت اس بات کی غمازی کرتی ہے کہ قدرتی دنیا میں اب بھی ایسے راز موجود ہیں جن کے بارے میں ہمیں علم نہیں، اور بعض نوعیں انتہائی غیر معمولی ماحول میں بھی تعاون کرکے زندہ رہ سکتی ہیں۔
