بھارت میں ایک دکاندار نے زیورات چوری کرنے کی کوشش ناکام بنا کر خاتون کو تھپڑوں سے نواز دیا۔
بھارتی میڈیا کے مطابق احمد آباد میں ایک خاتون چوری کے ارادے سے جیولری کی دکان میں داخل ہوئی اور دکاندار پر مرچوں کا اسپرے کردیا۔
تاہم دکاندار خوش قسمتی سے بچ گیا اور فوری طور پر خاتون کا ہاتھ پکڑ لیا، پھر محض 20 سیکنڈز میں اسے 17 تھپڑ رسید کر دیے۔
واقعے کی ویڈیو سوشل میڈیا پر تیزی سے وائرل ہوگئی جس میں دکاندار کو خاتون پر تھپڑ برساتے دیکھا جاسکتا ہے۔
بعد ازاں دکاندار نے خاتون کو دکان سے باہر نکال دیا۔
رپورٹ کے مطابق دکاندار نے خاتون کے خلاف مقدمہ درج کروانے سے انکار کیا، البتہ پولیس نے خاتون کے خلاف تحقیقات کا آغاز کر دیا ہے۔
