فیصل آباد میں جنوبی افریقہ نے شاندار کارکردگی دکھاتے ہوئے سیریز 1-1 سے برابر کر دی۔ جنوبی افریقہ نے 270 رنز کا ہدف 41 اوورز میں صرف 2 وکٹوں کے نقصان پر حاصل کر لیا۔
ڈی کوک نے ناقابلِ شکست 123 رنز کی اننگز کھیلی، جس میں 8 چوکے اور 7 چھکے شامل تھے، جبکہ ٹونی ڈی زورزی نے 76 رنز بنائے۔
اس سے قبل پاکستان نے پہلی اننگز میں 269 رنز اسکور کیے، جن میں سلمان آغا کے 69، صائم ایوب کے 53 اور محمد نواز کے 59 رنز شامل تھے۔
جنوبی افریقہ کی جانب سے نندرے برگر نے 4 وکٹیں حاصل کیں۔
سیریز کا آخری میچ ہفتے کے روز کھیلا جائے گا۔
