اداکار سمیع خان نے انکشاف کیا ہے کہ وہ ایک فلم کی شوٹنگ کے دوران آگ سے بال بال بچ گئے۔
اپنی دلکش شخصیت اور مداحوں میں مقبولیت کے لیے جانے والے سمیع خان نے ایک ٹی وی پروگرام میں بتایا کہ انہیں ایک سین ریکارڈ کرنے کے لیے بغیر شرٹ کے جسم پر تیل لگانا پڑا اور آگ کے قریب جانا تھا۔
سمیع خان کے مطابق، “جب میں جسم پر تیل لگا کر آگ کے پاس گیا تو اس کی حرارت اتنی شدید تھی کہ مجھے لگا میں جل جاؤں گا، اس لیے فوراً پیچھے ہٹنا پڑا۔”
اداکار نے مزید بتایا کہ جب شوٹنگ ٹیم نے پوچھا کہ سین رکوانے سے پیچھے ہٹنے کی وجہ کیا تھی، تو انہوں نے آگ کی شدید حرارت کا ذکر کیا۔ سمیع خان کے مطابق، بعد میں انہیں آگ سے محفوظ رہنے کے لیے کچھ حفاظتی اقدامات بھی بتائے گئے، لیکن پھر بھی وہ صرف پانچ سیکنڈ کا سین ہی مکمل کروا سکے۔
