رمشا خان نے بتایا کہ حالیہ ایوارڈ شو کے دوران تقریباً 8 ہزار افراد کی موجودگی نے انہیں بہت زیادہ گھبراہٹ محسوس کرائی۔ ایک انٹرویو میں اداکارہ نے اپنے اضطراب، بے چینی اور اسٹیج پر خوف کے جذبات پر بات کی۔
انہوں نے اعتراف کیا کہ انٹروورٹ شخصیت ہونے کی وجہ سے بطور پرفارمر اکثر انزائٹی محسوس ہوتی ہے۔ بظاہر لوگوں کو یہ محسوس نہیں ہوتا، لیکن جب وہ اسٹیج پر ہوتی ہیں تو ان کے ہاتھ خوف کی وجہ سے کانپ جاتے ہیں۔
رمشا نے مزید کہا کہ حالیہ ایوارڈ شو میں شجاع اسد کے ساتھ ڈانس پرفارمنس کے دوران وہ اس قدر گھبرا گئی تھیں کہ ہاتھ اور پیر اٹھانے میں بھی دقت ہو رہی تھی۔
اداکارہ نے اعتراف کیا کہ یہ ایک بڑی مشکل ہے، اور یہ ایک اچھا احساس نہیں، اور وہ نہیں جانتیں کہ اس پر کس طرح قابو پایا جا سکتا ہے۔
