قومی ون ڈے ٹیم کے نئے کپتان شاہین شاہ آفریدی نے اپنی قیادت کے آغاز ہی میں ایک ایسا کارنامہ انجام دے دیا جو حتیٰ کہ لیجنڈری کرکٹر اور سابق کپتان عمران خان بھی اپنے کیریئر میں نہ کر سکے۔
پاکستان نے پہلے ون ڈے میچ میں جنوبی افریقہ کو سنسنی خیز مقابلے کے بعد 2 وکٹوں سے شکست دے کر تین میچوں کی سیریز میں 1-0 کی برتری حاصل کرلی۔
یہ میچ شاہین آفریدی کا بطور کپتان پہلا ون ڈے تھا، اور وہ اس میں کامیابی حاصل کر کے اپنا ڈیبیو ون ڈے بطور کپتان جیتنے والے 12ویں پاکستانی کپتان بن گئے۔
اس منفرد فہرست میں ماضی کے عظیم کھلاڑی جیسے ظہیر عباس، وسیم اکرم، معین خان، انضمام الحق، یونس خان، شعیب ملک، مصباح الحق، شاہد آفریدی، سرفراز احمد، محمد حفیظ اور بابر اعظم بھی شامل ہیں۔
