رن مشین، چیس ماسٹر اور “کنگ” کے نام سے مشہور بھارتی کرکٹ کے عظیم کھلاڑی ویرات کوہلی آج اپنی 37ویں سالگرہ منا رہے ہیں۔
ویرات کوہلی اُس بھارتی ٹیم کا حصہ رہے ہیں جس نے 2 چیمپئنز ٹرافی، 1 ٹی20 ورلڈ کپ اور 1 ون ڈے ورلڈ کپ جیتا۔ ہر آئی سی سی ایونٹ میں شاندار کارکردگی دکھانا ان کی نمایاں خصوصیت رہی ہے۔
ٹیسٹ کرکٹ میں 30 سنچریاں، ٹی20 میں 1 سنچری اور ون ڈے کرکٹ میں 51 سنچریاں بنا چکے ہیں۔ وہ ون ڈے کرکٹ میں سب سے زیادہ سنچریاں بنانے والے بلے باز ہیں اور سب سے زیادہ رنز بنانے والے بلے بازوں میں دوسرے نمبر پر ہیں۔
میلبرن میں پاکستان کے خلاف ان کی تاریخی اننگز کو کرکٹ فینز ہمیشہ یاد رکھیں گے۔ ایسی بے شمار یادگار اننگز اور کارکردگیاں ہیں جب ویرات کوہلی نے تنِ تنہا اپنی ٹیم کو فتح دلائی۔
