بالی ووڈ کے سپر اسٹار شاہ رخ خان کی آنے والی فلم ’کنگ‘ نے ریلیز سے پہلے ہی دھوم مچا دی ہے۔ فلم کے ٹیزر نے محض چند گھنٹوں میں 28 ملین ویوز حاصل کرکے ’پشپا 2‘ کے 27.67 ملین ویوز کا ریکارڈ توڑ دیا۔
بھارتی میڈیا کے مطابق شاہ رخ خان، ’پٹھان‘ اور ’جوان‘ کے بعد ایک مرتبہ پھر ایکشن سے بھرپور کردار میں نظر آئیں گے۔ ان کی 60ویں سالگرہ کے موقع پر مداحوں کو فلم ’کنگ‘ کا ٹیزر بطور تحفہ پیش کیا گیا۔
دلچسپ بات یہ ہے کہ اس فلم میں شاہ رخ خان اپنی بیٹی سہانا خان کے ساتھ پہلی بار اسکرین شیئر کریں گے۔
یوٹیوب ویوز کی فہرست میں فی الحال یش کی فلم ’ٹاسک‘ 35.5 ملین ویوز کے ساتھ پہلے نمبر پر ہے، جب کہ ’دیورا‘ 26.17 ملین اور ’گنٹور کرم‘ 20.98 ملین ویوز کے ساتھ چوتھے اور پانچویں نمبر پر موجود ہیں۔
فلم ’کنگ‘ کے ہدایت کار سدھارتھ آنند ہیں، اور کاسٹ میں دپیکا پڈوکون، رانی مکھرجی، ابھیشیک بچن، ارشد وارثی، انیل کپور اور جیکی شروف جیسے بڑے نام شامل ہیں۔
رپورٹس کے مطابق فلم 2026 میں ریلیز کی جائے گی، تاہم ریلیز کی حتمی تاریخ کا اعلان تاحال نہیں کیا گیا۔
