پیرس ( فرانس) انٹرنیشنل فیڈریشن آف جرنلسٹس کی صدر ڈومینیکا پراڈولی اور سیکرٹری جنرل انتھونی بلاگر نے پاکستان میں صحافیوں کی ٹارگٹ کلنگ، پیکا ایکٹ کے تحت بنائے گئے مقدمات، میڈیا پر غیر اعلانیہ سنسرشپ ، ورکنگ جرنلسٹس کو اسٹیٹ ایکٹرز اور نان اسٹیٹ ایکٹرز دونوں کی جانب سے حراساں کرنے جبکہ میڈیا مالکان کی طرف سے تنخواہوں کی عدم ادائیگیوں اور جبری برطرفیوں پر سخت تشویش کا اظہار کیا ہےاور صدر پاکستان ، وزیراعظم پاکستان اور چیف جسٹس آف پاکستان سے اس ساری سنگین صورت حال پر فوری نوٹس لینے کا مطالبہ کیا ہے، بصورت دیگر اقوام متحدہ سے مداخلت کی اپیل کی جائے گی۔ سینڈیکٹ نیشنل دی جرنلسٹس کے ہیڈ کواٹرز واقع پیرس میں پاکستان کے صحافیوں کی نمائندہ تنظیم کے وفد پاکستان فیڈرل یونین آف جرنلسٹس کے سیکرٹری جنرل شکیل احمد، راولپنڈی اسلام آباد یونین آف جرنلسٹس کے صدر طارق عثمانی، یونین کی فارن کمیٹی کے ہیڈ وسیم شہزاد قادری سےا یک تفصیلی ملاقات میں آئی ایف جے کی صدر ڈومینیکا پراڈولی اور سیکرٹری جنرل انتھونی بلاگر نے اپنے مشترکہ بیان میں کہا کہ آر آئی یوجے پاکستان کی موجودہ میڈیا کی صورت حال کو باقاعدہ مانیٹر کررہی ہے اور صحافیوں کے خلاف ہونے والے غیر قانونی اقدامات کی نہ صرف شدید الفاظ میں مذمت کرتی ہے، بلکہ فوری طور پرپیکا ایکٹ کے تحت صحافیوں کے خلاف بنائے جانے والے غیر قانونی اقدامات کی نہ صرف شدید الفاظ میں مذمت کرتی ہے بلکہ فوری طور پرپیکا ایکٹ کے تحت صحافیوں کے خلاف ہونے والے غیر قانونی اقدامات کی نہ صرف شدید مذمت کرتی ہے بلکہ فوری طور پر پیکا ایکٹ کے تحت صحافیوں کے خلاف بنائے 
جانے والے مقدمات واپس لینے ، صحافیوں کے حقوق کےلئے موثر قانون سازی کرنے ، ٹارگٹ کلنگ میں صحافیوں کو نشانہ بنانے والے عناصر کو قانونی گرفت میں لانے کا مطالبہ کرتی ہے جبکہ میڈیا اداروں اور صحافیوں پر حکومتی اداروں کی لگائی جانے والی غیر اعلانیہ سنسر شپ کی مذمت کرتے ہوئے ایسے کسی غیر آئینی اور غیر جمہوری اقدامات کو فوری روکنے کا مطالبہ کیا ہے انٹرنیشنل فیڈریشن آف جرنلسٹس کی صدر اورسیکرٹری جنرل نے پاکستان کے میڈیا اداروں سے سینکڑوں صحافیوں اور میڈیا ورکرز کو نوکریوں سے جبری برطرفیوں پر بھی سخت تشویش کا اظہار کرتے ہوئے وزیراعظم پاکستان میاں شہباز شریف سے مطالبہ کیا ہے کہ پاکستان میں صحافیوں کے معاشی قتل عام کو روکنے کےلئے فوری اور موثر قانون سازی کی جائے اور اس سلسلے میں انٹرنیشنل فیڈریشن آف جرنلسٹس کی پاکستان میں صحافیوں کی نمائندہ تنظیم پی ایف یو جے
پاکستان کے صحافیوں کے حقوق اور روزگار کے تحفظ کےلئے ہر سطح پر اقدامات اٹھائے گی اور یہ سنگین صورتحال کانگریس کے اجلاس میں اپنے ایجنڈے پر رکھے گی آئی ایف جے کی صدر ڈومیینکا پراڈولی اور سیکرٹری جنرل انتھونی بلاگر نے پی ایف یو جے کے صدر رانا محمد عظیم کو طالبان کی طرف دی جانے والی قتل کی دھمکیوں کا سخت نوٹس لیتے ہوئے وزیر اعظم پاکستان اور اعلی تحقیقاتی اداروں سے مکمل چھان بین کا مطالبہ کیا ہے اور دھمکیوں میں ملوث دہشت گردوں کے گروپ کو قانون کے کٹہرے میں لاکر سخت سزا دینے کا بھی مطالبہ کیا ہے
بعدازں پاکستان فیڈرل یونین آف جرنلسٹس کے وفد کو صحافیوں کی یادگار کا دورہ کرایا گیا اور اس کے بعد آئی ایف جے کی صدر ڈومیینکا پراڈولی نے پی ایف یو جے کے سیکرٹری جنرل شکیل احمد، آر آئی یوجے کے صدر طارق عثمانی اور وسیم شہزاد قادری کے اعزاز میں پرتکلف عشائیہ دیا
