میلبورن میں کھیلے گئے دوسرے ٹی20 میچ میں بھارت پہلے بیٹنگ کرتے ہوئے صرف 125 رنز بنا سکا اور پوری ٹیم آؤٹ ہوگئی۔
آسٹریلیا کے جوش ہیزل وُڈ نے شاندار بولنگ کا مظاہرہ کرتے ہوئے 4 اوورز میں صرف 13 رنز دے کر 3 وکٹیں حاصل کیں۔
بھارت کی جانب سے صرف ابھشیک شرما نے 68 رنز اور ہرشِت رانا نے 35 رنز بنائے، ان کے علاوہ کوئی بھی بلے باز نمایاں کارکردگی نہ دکھا سکا۔
ہدف کے تعاقب میں آسٹریلیا نے آسانی سے کھیل کو اپنے نام کیا۔ مچل مارش کے 46، ٹراوس ہیڈ کے 28 اور جوش انگلس کے 20 رنز کی بدولت آسٹریلیا نے 4 وکٹوں کے نقصان پر 126 رنز کا ہدف 14ویں اوور میں حاصل کرلیا۔
بھارت کی طرف سے جسپریت بمراہ، ورن چکرورتی اور کلدیپ یادو نے دو، دو وکٹیں حاصل کیں۔
