پاکستان کرکٹ ٹیم کے سابق کپتان اور آل راؤنڈر شعیب ملک نے اپنے بیٹے اذہان کے ساتھ اس کی سالگرہ نہایت خوشگوار انداز میں منائی۔
سماجی رابطے کی ویب سائٹ ایکس (پرانا ٹوئٹر) پر شعیب ملک نے ایک دلکش ویڈیو شیئر کی، جس میں وہ اپنے بیٹے کو سالگرہ کی مبارکباد دیتے ہوئے دکھائی دے رہے ہیں۔
اپنے پیغام میں شعیب ملک نے لکھا:
“اپنے سب سے خاص دن کو اپنے سب سے پیارے کے ساتھ مناتے ہوئے۔”
انہوں نے مزید کہا:
“سالگرہ مبارک ہو اذہان! تمہاری زندگی ہمیشہ خوشیوں سے بھری اور لمبی ہو۔”
شعیب ملک نے اس موقع پر بیٹے کے ساتھ گالف کھیلنے اور تفریحی لمحات کی تصاویر بھی شیئر کیں، جن میں دونوں باپ بیٹے کو خوش اور پُرمسرت نظر آتے دیکھا جا سکتا ہے۔
