جدہ (امیر محمد خان سے) سعودی عرب اور خلیجی ممالک میں پاکستان اور دیگر ممالک سے بیشمار سرمایہ کار سعودی عرب کے مثبت اور آسان طریقہ کارپر اپنی خوشی کا اظہار کررہے ہیں سعودی عرب میں ولی عہد محمد بن سلمان بن عبدالعزیز کے ویثرن 2030کے مطابق سعودی نے غیر ملکی سرمایہ کاروں کو سعودی عرب میں منافع بخش کاروبار کیلئے سہولیا ت پہنچاتے ہوئے انہیں خوش آمدید کہا ہے اور آج بڑے پیمانے پر پاکستانی سرمایہ کار ادارے سعودی عرب مین منافع بخش کاروبار کررہے ہیں ان سرمایہ کاروں میں روزآنہ اضافہ ہورہا ہے، یہ بات سعودی عرب میں سرمایہ کاری کیلئے سہولیات پہنچانے والے ادارے کے سربراہ بلال زبیر نے جدہ میں ایک تقریب میں پاکستان اور دوبئی سے آنے والے مندوبین سے خطاب کرتے ہوئے کہی، انہو ں نے کہا کہ ہمار ا گروپ سعودی عرب میں سرمایہ کاروں کیلئے لائسنسنگ اور کمپنی کے قیام میں مہارت رکھتا ہے ہم سرمایہ کاروں کو منافع بخش کاروبار کیلئے 100 فیصد غیر ملکی ملکیت کی سہولت فراہم کرتے ہیں 
جو سعودی عرب کے وژن 2030 کے ساتھ ہم آہنگ ہے۔ ہمارے آسان حل آپ کے کاروبار کے قیام کو سادہ بناتے ہیں، اس متحرک مارکیٹ میں آپ کی کامیابی کو یقینی بناتے ہیں،ہم سرمایہ کاروں کو رہائشی شناخت، ایگزیکٹو ویزا، کمپنی کا بینک اکاؤنٹ، مالی معاونت، لیبر ویزا، سعودی شہریوں کی بھرتی کے لیے حکومتی تعاون، قومی سطح پر موجودگی، جائیداد کی ملکیت کا تحفظ فراہم کرتے ہیں، اس موقع پر پاکستان اور دوبئی سے آئے ہوئے ماہرین نے اپنے خطاب میں سرمایہ کاروں کو اپنی سہولیات سے آگاہ کیا تقریب میں جدہ میں موجود پاکستانی سرمایہ کار جو سعودی عرب میں کاروبار کے ابتداء کی کوششیں کررہے ہیں کی بڑی تعداد موجود تھی ۔ تقریب سے بی ایس بتول، محترمہ زہرہ، ام توصیف، چوہدری زاہد، آئی ٹی کے توصیف غوری،ڈاکٹر فوزیہ، گروپ کے مارکیٹنگ کے سربراہ چوہدری شہباز نے بھی خطاب کیا، تقریب کے آخر میں نمایاں کارکردگی کے مستحق افراد کو تعریفی شیلڈز دی گئیں، پاکستان قونصلیٹ اور بنگلہ دیش کی کمرشیل قونصلیت کی قونصل کمرشیل بھی تقریب میں موجود تھیں۔
