میرپورخاص
رپورٹ
تحسین احمد خان
چانسلر ابنِ سینا یونیورسٹی پروفیسر ڈاکٹر سید رضی محمد نے یومِ جمہوریہِ ترکی (29 اکتوبر) کو ترکی کے عوام اور حکومت کو ابنِ سینا یونیورسٹی کی جانب سے یومِ جمہوریہ کے موقع پر دل کی گہرائیوں سے مبارکباد پیش کرتے ہوئے کہا ہے کہ یہ دن نہ صرف ترکی کے لیے بلکہ پوری مسلم اُمّت کے لیے جمہوریت، خودمختاری اور ترقی کے عزم کی علامت ہے۔ 29 اکتوبر 1923 وہ تاریخی دن ہے جب عظیم قائد مصطفیٰ کمال اتاترک کی قیادت میں ترکی نے جمہوریہ کے قیام کا اعلان کیا جو جدید ترکی کی بنیاد بنا ترکی نے علم، تحقیق، ٹیکنالوجی اور تعلیم کے میدان میں جس تیزی سے ترقی کی ہے وہ دنیا بھر کی جامعات کے لیے ایک قابلِ تقلید مثال ہے ابنِ سینا یونیورسٹی ترکی کی جامعات اور علمی اداروں کے ساتھ اپنے تعلیمی و تحقیقی تعلقات کو مزید فروغ دینے کی خواہشمند ہے تاکہ علم و تحقیق کے ذریعے اقوامِ عالم میں مثبت کردار ادا کیا جاسکے میں دعاگو ہوں کہ ترکی اسی طرح ترقی، امن، اور خوشحالی کی راہوں پر گامزن رہے اور اس کی عوام ہمیشہ اتحاد، استحکام اور علم کے چراغ کو روشن رکھیں۔
