راولپنڈی میں کھیلے گئے پہلے ٹی ٹوئنٹی میچ میں جنوبی افریقہ نے پاکستان کو 55 رنز سے شکست دے دی۔
جنوبی افریقہ نے پہلے کھیلتے ہوئے 195 رنز کا بڑا ہدف دیا، جس کے جواب میں پاکستان کی ٹیم 139 رنز پر آل آؤٹ ہوگئی۔
جنوبی افریقہ کی جانب سے ریزا ہینڈرکس نے 60 رنز، کوئنٹن ڈی کوک نے 23 رنز اور ٹونی ڈی زورزی نے 33 رنز اسکور کیے۔
پاکستان کی طرف سے محمد نواز نے 3 جبکہ صائم ایوب نے 2 وکٹیں حاصل کیں۔
رن چیس کے دوران صاحبزادہ فرحان نے اچھی شروعات کی، 24 رنز (4 چوکے) بنائے لیکن بڑی اننگز نہ کھیل سکے۔
ٹی ٹوئنٹی میں واپسی کرنے والے بابر اعظم ایک بار پھر ناکام رہے اور بغیر کوئی رن بنائے آؤٹ ہوگئے۔
صائم ایوب نے 37 اور محمد نواز نے 36 رنز بنائے جبکہ باقی بلے باز بری طرح ناکام رہے۔
جنوبی افریقہ کی جانب سے کربیـن بوش نے شاندار بولنگ کرتے ہوئے 4 وکٹیں حاصل کیں۔
