انگلینڈ کے خلاف ایشز سیریز سے پہلے آسٹریلوی کرکٹ ٹیم کو بڑا دھچکا لگا ہے۔
ٹیم کے کپتان پیٹ کمنز پہلے ٹیسٹ میں حصہ نہیں لے سکیں گے۔ کرکٹ آسٹریلیا کے مطابق، کمنز پہلا ٹیسٹ کھیلنے کے لیے مکمل فٹ نہیں ہوں گے۔ ان کی غیر موجودگی میں تجربہ کار بلے باز اسٹیو سمتھ ٹیم کی قیادت کریں گے۔
کرکٹ آسٹریلیا نے یہ بھی بتایا کہ پیٹ کمنز نے دوڑنا شروع کر دیا ہے اور توقع ہے کہ وہ جلد بولنگ بھی شروع کر دیں گے۔
پانچ ٹیسٹ میچز پر مشتمل ایشز سیریز کا پہلا ٹیسٹ 21 نومبر سے پرتھ میں کھیلا جائے گا۔























