ایمانداری کی جیت: ڈاکٹر آصف احمد شیخ کو سرخ سلام ایم ڈی کیٹ 2025 کا پیپر لیک نہ ہونا شفافیت اور پروفیشنلزم کی جیتی جاگتی مثال

ایمانداری کی جیت: ڈاکٹر آصف احمد شیخ کو سرخ سلام
ایم ڈی کیٹ 2025 کا پیپر لیک نہ ہونا شفافیت اور پروفیشنلزم کی جیتی جاگتی مثال

سندھ دھرتی کے بیٹے ڈاکٹر آصف احمد شیخ جیسے بااصول، غیرت مند اور باضمیر افسران قوم کا فخر ہوتے ہیں۔ ایسے لوگ نہ تو خریدا جا سکتے ہیں اور نہ ہی کسی دباؤ یا مفاد کے تحت جھکائے جا سکتے ہیں۔ یہ ہی وہ کردار ہیں جو اپنے عمل سے ثابت کرتے ہیں کہ اگر نیت صاف ہو، تو نظام میں موجود ہر خرابی کو درست کیا جا سکتا ہے۔

ایم ڈی کیٹ 2025 کے امتحان کا بغیر کسی اسکینڈل کے کامیاب انعقاد اس بات کا واضح ثبوت ہے کہ سندھ میں بھی دیانتداری اور پیشہ ورانہ مہارت کے ذریعے شفافیت قائم کی جا سکتی ہے۔ اس سال کا ایم ڈی کیٹ پیپر لیک نہ ہونا سیبا ٹیسٹنگ سروس کی ایمانداری، کارکردگی، اور پروفیشنل ازم کی ایک شاندار مثال ہے۔

ڈاکٹر آصف احمد شیخ کی قیادت میں ٹیم نے یہ ثابت کر دیا کہ اگر ادارے کا سربراہ ایماندار ہو، تو اس کے فیصلوں کا اثر پورے معاشرے پر نمایاں انداز میں ظاہر ہوتا ہے۔ ان کی قیادت نے نہ صرف نظام میں شفافیت لائی بلکہ عوام میں اعتماد بھی بحال کیا۔

دوسری جانب، افسوسناک حقیقت یہ ہے کہ کچھ افسران جو سیاسی دباؤ اور ذاتی مفادات کے غلام بن چکے ہیں، وہ نظام کو بدعنوانی اور نااہلی کی دلدل میں دھکیل رہے ہیں۔ ایسے افراد عوامی مفاد کے خلاف جا کر صرف اپنے ذاتی فائدے کو ترجیح دیتے ہیں، جس کا نتیجہ بداعتمادی، ناانصافی، اور عوامی مسائل کی صورت میں سامنے آتا ہے۔

ڈاکٹر آصف احمد شیخ جیسے دیانتدار افسران کے ہوتے ہوئے سندھ کو امید ہے کہ نظام میں بہتری ممکن ہے۔ ان کی ایمانداری اور جرات مندانہ رویہ نئی نسل کے لیے ایک مثال ہے۔ یہ ثابت ہو چکا ہے کہ اگر نیت سچی ہو تو اداروں کی ساکھ بحال کی جا سکتی ہے، اور عوام کا اعتماد واپس لایا جا سکتا ہے۔

*آخر میں بس یہی کہنا بنتا ہے:*
ڈاکٹر آصف احمد شیخ کو سرخ سلام — کیونکہ سچائی، دیانتداری، اور خدمت کا کوئی متبادل نہیں۔