سیریز کے پہلے ون ڈے میچ میں نیوزی لینڈ نے انگلینڈ کو 4 وکٹوں سے شکست دے دی۔
انگلینڈ پہلے بیٹنگ کرتے ہوئے 223 رنز پر آل آؤٹ ہو گئی۔ ٹیم کی جانب سے کپتان ہیری بروک نے شاندار 135 رنز کی اننگز کھیلی، تاہم ان کے سوا کوئی اور بلے باز نمایاں کارکردگی نہ دکھا سکا۔
نیوزی لینڈ کی جانب سے زیکری فولکس نے شاندار بولنگ کرتے ہوئے 4 وکٹیں حاصل کیں، جبکہ جیکب ڈفی نے 3 اور میٹ ہنری نے 2 وکٹیں اپنے نام کیں۔
ہدف کے تعاقب میں نیوزی لینڈ کی جانب سے ڈیرل مچل نے ناقابلِ شکست 78 رنز بنائے، مائیکل بریسویل نے 51 اور مچل سینٹنر نے 27 رنز کی اننگز کھیلی۔
انگلینڈ کی طرف سے برائیڈن کارس نے 3 وکٹیں حاصل کیں۔
