لاہور: پاکستان سپر لیگ (پی ایس ایل) فرنچائز ملتان سلطانز کے خلاف حیران کن انکشافات سامنے آ گئے۔
ذرائع پاکستان کرکٹ بورڈ (پی سی بی) کے مطابق ملتان سلطانز مینجمنٹ نے مخالف ٹیم کے کھلاڑیوں کو جان بوجھ کر زخمی کرنے کی کوشش کی۔ اور کھلاڑیوں کو ہدایات دی گئیں کہ وہ مخالف کھلاڑی کے سر پر گیند مارے۔
پی سی بی کے پاس علی ترین کی کھلاڑیوں کو ہدایت دینے کی ویڈیو بھی موجود ہے۔ اور یہ ویڈیو ملتان سلطانز کے آفیشل ایکس ہینڈل پر بھی موجود ہے۔
ذرائع کے مطابق ملتان سلطانز فرنچائز کو فلوقت معطل نہیں کیا گیا۔ تاہم ملتان سلطانز کو کوڈ آف کنڈکٹ کی خلاف ورزی پر نوٹس ارسال کیا گیا ہے۔ اگر ملتان سلطانز نے پی سی بی نوٹس کا تسلی بخش جواب نہ دیا تو ٹیم کی رکنیت ختم کر دی جائے گی۔
ملتان سلطانز نے مخالف ٹیم کے کھلاڑیوں کو زخمی کرنے کے لیے اپنے کھلاڑیوں کو ہدایت دی۔ جبکہ ٹیم کے مالک نے ہیلمٹ پر ایک گیند مارنے کا ایک ہزار ڈالر انعام دینے کا اعلان کیا۔ اور ایک ہزار ڈالر انعام دینے کی ویڈیو بھی سوشل میڈیا پر موجود ہے۔
ذرائع کے مطابق ملتان سلطانز نے پاکستان سپر لیگ کے معاہدے کی متعدد بار خلاف ورزیاں کیں۔ اور ملتان سلطانز کے مالک نے پاکستان سپر لیگ کی ساکھ کو نقصان پہنچانے کی کوشش کی۔
ذرائع کا کہنا ہے کہ ملتان سلطانز کے مالک نے کسی اجلاس میں کوئی تجویز نہیں دی۔ لیکن سوشل میڈیا پر متعدد بار برینڈ کو نقصان پہنچایا۔ جبکہ معاہدے کے مطابق لیگ کو نقصان نہیں پہنچایا جا سکتا۔
یہ بھی پڑھیں: قومی ٹیم کی شکست ٹیسٹ کرکٹ کا نہ ہونا ہے، اظہر محمود
پی ایس ایل 10 میں 3.4 ارب ویوز آئے۔ اور پی ایس ایل کی ویلیوایشن رواں ہفتے مکمل ہونے کا امکان ہے۔ دسمبر تک پاکستان سپر لیگ کی ویلیوایشن، بڈنگ اور ٹیموں کی شمولیت کاعمل مکمل ہو گا۔
