راولپنڈی ٹیسٹ کا دوسرا دن مکمل ہوا، جنوبی افریقہ نے 4 وکٹوں کے نقصان پر 185 رنز بنا لیے ہیں۔ اس وقت ٹرسٹن اسٹبس
68 ناٹ آؤٹ اور کائل ویریئن 10 ناٹ آؤٹ رنز کے ساتھ کریز پر موجود ہیں۔
اس سے قبل تیسری وکٹ کے لیے اسٹبس اور ٹونی ڈی زورزی کے درمیان ایک شاندار شراکت ہوئی جس میں انہوں نے 55 رنز جوڑے۔ ان کے آؤٹ ہونے کے بعد ڈیوالڈ بریوس 0 رنز پر آؤٹ ہوئے، جس کے بعد پاکستانی ٹیم میچ میں واپس آئی۔ دونوں وکٹیں 39 سالہ آصف آفریدی نے حاصل کیں۔
اب جنوبی افریقہ کو لیڈ مکمل کرنے کے لیے مزید 148 رنز درکار ہیں، اور پاکستان کی کوشش ہوگی کہ کل اسی پوزیشن سے جنوبی افریقہ کو آؤٹ کر کے لیڈ حاصل کی جائے۔
