PIAنجکاری‘ بولی کی تاریخ 30 اکتوبر سے بدل کر 30 نومبر مقرر
20 اکتوبر ، 2025FacebookTwitterWhatsapp
لاہور( این این آئی)قومی ایئرلائن کی نجکاری کے معاملے میں اہم پیشرفت ہوئی ہے ، نجکاری کے لیے بولی کی تاریخ 30 اکتوبر سے تبدیل کر کے 17 نومبر کر دی گئی۔چارکنسورشیم عارف حبیب لمیٹڈ، فوجی فرٹیلائزرکمپنی ،ایئربلواورلکی گروپ قومی ایئر لائن کی خریداری کی دوڑ میں شامل ہیں ۔ قومی ائیر لائن کی نجکاری آئندہ ماہ حتمی مرحلے تک پہنچنے کی توقع ہے ۔ کنسورشیم نے حکومت سے طے کردہ شرائط و ضوابط میں نرمی کی درخواست بھی کی ۔ خواہشمند کمپنیوں نے حکومت سے درخواست کی ہے کہ نجکاری کے بعد قومی ایئرلائن کا نام تبدیل نہ کیا جائے اور نہ ہی طیاروں سے قومی پرچم ہٹایا جائے اور ائیرلائن کی ملکیت پاکستانی شہریوں کے پاس رہے۔ خواہشمند کمپنیوں نے حکومت سے درخواست کی کہ غیرملکی فرد یا ادارے کو اکثریتی شیئر ہولڈر نیلامی کے عمل میں حصہ لینے کی اجازت نہ دی جائے ۔https://e.jang.com.pk/detail/975991
=====================
ی آئی اے نجکاری، لیبر یونینز اور ہولڈنگ کمپنی میں ڈیڈلاک برقرار
20 اکتوبر ، 2025FacebookTwitterWhatsapp
کراچی(آئی این پی ) قومی ائیر لائن(پی آئی اے ) کی نجکاری کے حوالے سے ریٹائرڈ ملازمین کے میڈیکل پر لیبر یونینز اور ہولڈنگ کمپنی میں ڈیڈلاک برقرار ہے۔میڈیارپور ٹ کے مطابق ذرائع نے بتایا ہے کہ اسلام آباد میں ہولڈنگ کمپنی، نجکاری کمیشن، اسٹیٹ لائف اور ریٹائرڈ ملازمین کا اجلاس ہوا جس میں قومی ائیر لائن کی نجکاری کے بعد ریٹائرڈ ملازمین کی پنشن اور میڈیکل کے معاملے پر غور کیا گیا۔ذرائع کا بتاناہے کہ ریٹائرڈ ملازمین کے میڈیکل کے معاملے پر ملازمین تنظیموں اور ہولڈنگ کمپنی میں ڈیڈلاک برقرار ہے۔ پی آئی اے ہولڈنگ کمپنی نے ریٹائرڈملازمین کو انشورنس کمپنی سے میڈیکل دلانیکی پیشکش کی جس پر ملازمین نے انشورنس کمپنی کی میڈیکل سہولتوں پر تحریری پیشکش مانگ لی۔ذرائع کا کہنا ہے کہ قومی ائیرلائن ریٹائرڈ ملازمین کے میڈیکل کے علاوہ پنشن کا معاملہ بھی زیر غور آیا جبکہ ہولڈنگ کمپنی نے ریٹائرڈ ملازمین کے نمائندوں سے آئندہ اجلاس تک مہلت طلب کرلی۔ ذرائع کے مطابق معاملہ حل نہ ہونے پر نجکاری کیلئے بولی کی تاریخ 30 اکتوبر سے بڑھا کر17نومبرکی گئی۔
https://e.jang.com.pk/detail/975992
