آسٹریلیا اور بھارت کے درمیان بارش سے متاثرہ پہلے ون ڈے میچ میں آسٹریلیا 7 وکٹوں سے کامیاب رہا۔
میچ بارش کے باعث کئی بار رُکا، بالآخر اسے 26 اوورز تک محدود کر دیا گیا۔
بھارت نے پہلے بیٹنگ کرتے ہوئے 9 وکٹوں کے نقصان پر 136 رنز بنائے۔ روہت شرما 8 اور ویرات کوہلی بغیر کوئی رن بنائے آؤٹ ہوئے۔ اکشر پٹیل کے 31 اور کے ایل راہول کے 38 رنز کی بدولت ٹیم کا مجموعہ 136 تک پہنچا۔
آسٹریلیا کی جانب سے جوش ہیزل وُڈ، مچل اووِن اور میتھیو کوہنمَن نے 2، 2 وکٹیں حاصل کیں۔
ڈی ایل ایس میتھڈ کے تحت آسٹریلیا کو 131 رنز کا ہدف ملا، جسے انہوں نے آسانی سے حاصل کر لیا۔ مچل مارش نے 46 رنز بنائے اور شاندار کارکردگی پر مین آف دی میچ قرار پائے۔
ان کے علاوہ جوش فلیپ نے 37 اور میٹ رینشا نے 21 رنز ناٹ آؤٹ بنائے۔
یوں آسٹریلیا نے میچ 7 وکٹوں سے جیت کر سیریز میں 1-0 کی برتری حاصل کر لی۔
