روہت شرما پاکستانی فین کے ساتھ تصویر کھنچوانے کےلیے ٹیم بس سے اتر کر نیچ آئے، کوہلی نے مداح کی آر سی بی شرٹ پر دستخط کیے۔
بھارت کے اسٹار بیٹر ویرات کوہلی اور روہت شرما نے ون ڈے سیریزکےلیے آسٹریلیا پہنچے اور پاکستانی مداح کی خواہش پوری کرکے اسکا دل جیت لیا، بھارتی ٹیم پرتھ پہنچی تو ہوٹل کے باہر کچھ مداح بھی ان کا انتظار کررہے تھے جن میں ایک کا تعلق کراچی پاکستان سے تھا۔
سوشل میڈیا پر وائرل ہونے والی ویڈیو میں دیکھا جاسکتا ہے کہ ویرات کوہلی جیسے ہی ہوٹل سے باہر نکلے تو ایک پاکستانی مداح نے ان سے آٹوگراف دینے کی خواہش کا اظہار کیا۔
کوہلی نے بس کے نیچے والے حصے میں اپنا سامان رکھا اور پاکستانی مداح کے پاس گئے، اسے رائل چیلنجرز بنگلورو کی شرٹ پر آٹوگراف دیا۔
اسی ویڈیو میں دیکھا جاسکتا ہے کہ کوہلی کے بعد سابق بھارتی کپتان روہت شرما اسی مداح کےلیے بس سے نیچے اترکر آئے اور نہ صرف اسے آٹوگراف دیا بلکہ اس کے ساتھ تصویر بھی بنوائی۔
کراچی اسے تعلق رکھنے والی ساحل نامی مداح نے ویڈیو میں بتایا کہ میں پہلے بھی ان سے ایک بار مل چکا ہوں اور مجھے ان دونوں سے مل کر بہت اچھا لگا، ان میں اتنی انکساری ہے کہ ایک بار بلانے سے آگئے۔
ساحل نے بتایا کہ روہت شرما بس میں بیٹھ گئے تھے، میں نے انھیں اشارہ کیا کہ ایک آٹوگراف دے دیں، وہ میرے لیے بس سے اتر کرنیچے آئے، مجھے بہت بہت اچھا لگا۔
