ایک امریکی کمپنی کی جانب سے دنیا کا پہلا آل اِن ون کارپٹ واشنگ روبوٹ متعارف کروا دیا ہے۔ جسے آر ٹو روبوٹن کا نام دیا گیا ہے، یہ انوکھا روبوٹ ویکیومنگ، واشنگ اور ڈرائینگ تینوں کام ایک ہی مشین میں انجام دیتا ہے۔ اس روبوٹ کے باعث انسانوں کی بہت بڑی مشکل آسان ہوگئی ہے۔
رپورٹس کے مطابق آر ٹو روبوٹ جدید اے آئی نیویگیشن سسٹم کے ذریعے گھر کے ہر کونے کو صاف کرتا ہے اور قالین کی ساخت کو پہچان کر خودکار طور پر صفائی کا کام انجام دیتا ہے۔
اس روبوٹ کو جدید روبوٹ ویکیوم کی طرح ایک ایپ کے ذریعے کنٹرول کیا جاسکتا ہے، جو فرش کا نقشہ تیار کرتی ہے اور خود بخود واشنگ، ڈرائینگ اور ویکیومنگ موڈز کے درمیان سوئچ کرتی ہے۔
آر ٹو روبوٹ جدید اے آئی پرسیپشن سسٹم سے لیس ہے جس میں 12 سینسرز شامل ہیں، یہ روبوٹ ان سینسرز کا استعمال کرتے ہوئے قالین کی اقسام کو پہچانتے ہیں، اور صفائی کی جگہ کا تعین کرتے ہیں۔
یہ رو بوٹ کسی بھی قالین کی صفائی تین مرحلوں میں انجام دیتا ہے۔
پہلا مرحلہ ویکیومنگ کا ہے اس مقصد کے لیے آر ٹو میں ایک انڈسٹریل گریڈ موٹر نصب کی گئی ہے جو مؤثر انداز میں قالین سے ہر طرح گرد کو ختم کردیتی ہے۔
آر ٹو میں تین مرحلوں پر مشتمل خودکار واشنگ سسٹم موجود ہے جو سخت داغوں کو صاف کرنے کی صلاحیت رکھتا ہے، اور 400 مربع فٹ (تقریباً 37 مربع میٹر) قالین فی گھنٹہ دھو سکتا ہے۔
یہ گندے پانی کو دوبارہ قابل استعمال بنانے کے ساتھ ریپیڈ ہٹ ٹیکنالوجی کے ذریعے صرف 10 منٹ میں پانی کو 60 سینٹی گریڈ تک گرم کرسکتا ہے، اس طرح کم پانی میں قالین جلد سے جلد صاف ہوجاتا ہے۔
یہی نہیں بلکہ روبوٹ میں موجود ڈرائینگ سسٹم 43 سینٹی گریڈ تک گرم ہوا کے ذریعے محض 2 گھنٹوں میں قالین کو خشک کرتا ہے۔
