جناح اسپتال، مریض کو آپریشن کے لیے 2 سال بعد کی تاریخ دے دی گئی
کراچی کے جناح اسپتال آپریشن کے لیے آنے والے مریض کو سرجیکل کمپلیکس میں 2 سال بعد کی تاریخ دے دی گئی۔
23 جون 2027 کی تاریخ ملنے پر مریض نے ویڈیو وائرل کرتے ہوئے فوری آپریشن کی اپیل کردی۔
ویڈیو میں مریض نے کہا کہ روزانہ درد کم کرنے کے 2 انجکشن لگارہا ہوں، نجی اسپتال کے اخراجات برداشت نہیں کرسکتا۔
دوسری جانب ترجمان جناح اسپتال کا کہنا ہے کہ مریضوں کی تعداد زیادہ اور ڈاکٹروں کی تعداد کی کمی کے باعث لمبی تاریخ دی گئی ہے۔
https://jang.com.pk/news/1517362
=====================
عوام کو معیاری ہیلتھ سروسز کی فراہمی پہلی اور آخری ترجیح, خواجہ عمران نذیر
07 اکتوبر ، 2025FacebookTwitterWhatsapp
لاہور ( جنرل رپورٹر ) صوبائی وزیر صحت و آبادی خواجہ عمران نذیر نے کہا ہے کہ عوام کو بہترین اور معیاری ہیلتھ سروسز کی فراہمی ہماری پہلی اور آخری ترجیح ہے۔ بہترین طبی سہولیات کی فراہمی یقینی بنانے کے لیے ڈی ایچ کیو میں کیتھ لیبز کا قیام عمل میں لایا جا رہا ہے۔ خواجہ عمران نذیر یہاں محکمہ صحت و آبادی کے کمیٹی روم میں کیتھ لیبز کے قیام کے حوالے سے جائزہ اجلاس کی صدارت کر رہے تھے۔ اجلاس میں مختلف اضلاع میں کیتھ لیبز کے قیام کے منصوبے پر پیش رفت کا جائزہ لیا گیا۔ صوبائی وزیر صحت و آبادی کو بریفنگ دیتے ہوئے بتایا گیا کہ 16 کیتھ لیبز میں سے 8 تکمیل کے آخری مراحل میں ہیں ان میں سے اٹک، بہاولنگر، جھنگ، جہلم، قصور، لیہ، میانوالی، اور وہاڑی میں کیتھ لیبز رواں سال کے آخر میں آپریشنل کر دی جائیں گی ۔
