File-photo
تاجروں کوگولیوں کے ساتھ بھتےکی پرچیاں بھیجی جا رہی ہیں،کراچی چیمبر آف کامرس
کراچی میں کاروباری برادری کو دھمکانے اور خوفزدہ کرنے کے واقعات میں اچانک اضافہ ہوا ہے۔
سیکرٹری جنرل کراچی چیمبر آف کامرس اینڈ انڈسٹری کی جانب سے جاری کیےگئے ایڈوائزری سرکلر کے مطابق ممبران کو بھاری بھتے کی پرچیاں گولیوں کے ساتھ بھیجی جا رہی ہیں۔
انہوں نے ممبران کو مشورہ دیا ہےکہ وہ اپنے دفاتر اور دکانوں پر اعلیٰ معیار کے سی سی ٹی وی کیمرے مناسب بیک اپ کے ساتھ نصب کریں اور انہیں ہفتے کے سات دن 24 گھنٹوں کے لیے فعال رکھیں تاکہ سکیورٹی کو یقینی بنایا جاسکے۔
سرکلر کے مطابق یہ صورتحال شہرکے امن اومان کے لیے پریشان کن ہے، کاروباری سرگرمیاں متاثر ہورہی ہیں اور خوف وہراس کی فضا قائم ہو گئی ہے۔
کراچی چیمبر نے اپنے ممبران کو تنبیہ کی ہے وہ کسی بھی مشکوک سرگرمی کی فوری اطلاع متعلقہ حکام کو دیں، کاروباری طبقے کے تحفظ اور استحکام کے لیے سب کو متحدہ ہوکر درپیش چیلنجز کا مقابلہ کرنا ہوگا۔
