پاکستان کرکٹ کے لیجنڈ وسیم اکرم نے تمام بحث کو ختم کرتے ہوئے واضح طور عمران خان کو پاکستان کا عظیم ترین کرکٹر قرار دے دیا۔
سماجی رابطے کی ویب سائٹ ایکس (سابق ٹوئٹر) پر جاری اپنے بیان میں وسیم اکرم نے لکھا کہ پاکستان نے عمران خان جیسا کرکٹر کبھی پیدا نہیں کیا، ملکی تاریخ کا سب سے عظیم کرکٹر ایک ہی ہے، کپتان عمران خان، برائے مہربانی یہ بحث اب ختم کر دیں۔
https://x.com/wasimakramlive/status/1974961679676178808?ref_src=twsrc%5Etfw%7Ctwcamp%5Etweetembed%7Ctwterm%5E1974961679676178808%7Ctwgr%5E1d6478ea32223e0395d6422620451e563dfd6e33%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1516865
وسیم اکرم کے اس بیان نے سوشل میڈیا پر ہلچل مچا دی، جہاں مداحوں اور سابق کھلاڑیوں نے مختلف آراء کا اظہار کیا۔
اس سے قبل بھی وسیم اکرم نے ایک پوڈکاسٹ میں گفتگو کرتے ہوئے کہا تھا کہ میری کرکٹ میں کامیابیوں کے پیچھے سب سے بڑا کردار عمران خان کا تھا، وہ بہترین کپتان تھے جن کے ماتحت میں نے کھیلنے کا اعزاز حاصل کیا، انہوں نے ہمیں اعتماد دیا، خود مثال قائم کی اور ہمیشہ اپنی صلاحیتوں پر یقین رکھا۔
