نیپال میں طوفانی بارشوں اور لینڈ سلائیڈنگ سے 47 افراد جاں بحق

نیپال میں شدید بارشوں، لینڈ سلائیڈنگ اور سیلابی صورتحال نے تباہی مچادی۔

غیرملکی میڈیا کے مطابق نیپال میں شدید بارشوں سے لینڈ سلائیڈنگ اور سیلاب کی وجہ سے 3 دن میں47 افراد ہلاک اور 5 لاپتہ ہوگئے۔

بارشوں کے بعد کئی سڑکیں زیرِ آب آچکی ہیں جبکہ کئی پُل بھی بہہ گئے ہیں۔

شدید بارشوں میں حادثات پر حکام نے 2 دن کی عام تعطیل کا اعلان کردیا ہے۔

حکام کی جانب سے دریا کنارے آباد لوگوں کو محفوظ مقام پر منتقل ہونے کی ہدایت جاری کی گئی ہے۔