ہم ٹی وی کا ڈرامہ ’جن کی شادی اُن کی شادی‘ تیزی سے ناظرین کا فیورٹ بنتا جا رہا ہے۔ یہ ڈرامہ ایک منفرد تجربہ ہے جسے سبھی بہت انجوائے کر رہے ہیں۔ اس میں شاندار کامیڈی کے ساتھ ساتھ ہلکی پھلکی ہارر اور دلچسپ معمہ (مِسٹری) بھی شامل ہے، جو حویلی اور اس کے کرداروں کے گرد گھومتا ہے اور ناظرین کے لیے بے حد پرکشش ثابت ہو رہا ہے۔
ڈرامے کی پرفارمنسز سب ہی اداکاروں کی جانب سے بہترین ہیں، جبکہ وہاج علی اور سحر خان کی جوڑی کو خاص طور پر بے حد پسند کیا جا رہا ہے۔ دونوں کے کرداروں کی کیمسٹری اور رومانوی لمحات نے ناظرین کے دل جیت لیے ہیں۔
ڈرامے کا مرکزی او ایس ٹی پہلے ہی مقبول ہو چکا ہے، تاہم حالیہ اقساط میں شامل نیا گانا بھی ناظرین کو بہت پسند آیا ہے، یہاں تک کہ مداح اب اس کی جلد الگ سے ریلیز کا مطالبہ کر رہے ہیں۔
مصنف سید نبیل اور ڈائریکٹر سیف حسن کو اس پروجیکٹ پر بھرپور داد دی جا رہی ہے۔
