اتوار کو دبئی میں ایشیا کپ کا فائنل پاکستان اور بھارت کے درمیان کھیلا جائے گا، لیکن اس بار روایتی طور پر فائنل سے قبل دونوں کپتانوں کا ٹرافی کے ساتھ مشترکہ فوٹو شوٹ نہ ہونے کا امکان ہے۔
ٹورنامنٹ منتظمین نے تصدیق کی ہے کہ ہفتے کو ایسا کوئی سیشن منعقد نہیں کیا جائے گا، جبکہ حتمی فیصلہ اتوار کے میچ سے پہلے متوقع ہے۔
بھارتی ٹیم پہلے بھی ایونٹ کے دو میچوں میں پاکستانی کھلاڑیوں سے مصافحہ کرنے سے گریز کر چکی ہے، جس کے باعث امکان ظاہر کیا جا رہا ہے کہ فائنل میں بھی ٹرافی کے ساتھ دونوں کپتان ایک ساتھ تصویر نہیں کھنچوائیں گے۔
ادھر قومی ٹیم کے کپتان سلمان علی آغا آج رات پاکستانی وقت کے مطابق 7 بجے میڈیا سے گفتگو کریں گے۔
