ایشیا کپ کے اہم میچ میں پاکستان نے بنگلادیش کو 11 رنز سے شکست دے کر فائنل میں جگہ بنا لی۔
پاکستان نے پہلے کھیلتے ہوئے مقررہ اوورز میں 8 وکٹوں کے نقصان پر 135 رنز بنائے۔ محمد حارث نے 31 اور محمد نواز نے 25 رنز کی اننگز کھیلیں جبکہ باقی بیٹنگ لائن متاثر کن کارکردگی نہ دکھا سکی۔ بنگلادیش کی جانب سے ٹاسکن احمد نے 3 وکٹیں حاصل کیں جبکہ مہدی حسن اور رشاد حسین نے 2، 2 کھلاڑیوں کو آؤٹ کیا۔
ہدف کے تعاقب میں بنگلادیشی ٹیم یکے بعد دیگرے وکٹیں گنواتی رہی اور کوئی بڑی شراکت قائم نہ ہو سکی۔ پاکستان کے باؤلرز نے شاندار گیندبازی کی۔ شاہین آفریدی اور حارث رؤف نے 3، 3 کھلاڑیوں کو پویلین کی راہ دکھائی۔ بنگلادیش کی جانب سے شميم حسین 30 رنز بنا کر نمایاں رہے۔
یوں پاکستان نے یہ مقابلہ 11 رنز سے جیت کر فائنل کے لیے کوالیفائی کر لیا۔ اب ایشیا کپ کی 41 سالہ تاریخ میں پہلی بار پاکستان اور بھارت کی ٹیمیں اتوار کو فائنل میں آمنے سامنے ہوں گی۔
